ຊາວຫວຽດນາມອາໄສຢູ່ໄທມຸ່ງໄປເຖິງກອງປະຊຸມໃຫຍ່ຂອງພັກ
![ຊາວຫວຽດນາມອາໄສຢູ່ໄທມຸ່ງໄປເຖິງກອງປະຊຸມໃຫຍ່ຂອງພັກ - ảnh 1](https://image.vovworld.vn/w730/uploaded/vovworld/bcgmbuiq/2016_01_20/205.jpg)
( ທ່ານ ຫງວຽນງ້ອກຮ໋ານ ເບື້ອງຊ້າຍຮູບ )
(vovworld) – ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກກອມມູນິດ ຫວຽດນາມ ແມ່ນເຫດການການເມືອງສຳຄັນຍິ່ງ, ດຶງດູດຄວາມສົນໃຈຈາກມະຫາຊົນເປັນຈຳນວນຫລວງຫລາຍ. ຊາວ ຫວຽດນາມ ຫລາຍຄົນພວມດຳລົງຊີວິດ, ຮ່ຳຮຽນ, ອອກແຮງງານຢູ່ ໄທ ໄດ້ອ່ວາຍໜ້າເມືອຫາບ້ານເກີດເມືອງນອນຕິດຕາມການຜັນແປຂອງກອງປະຊຸມໃຫຍ່. ຊາວ ຫວຽດນາມ ອາໄສຢູ່ ໄທ ປາດຖະໜາວ່າ: ກອງປະຊຸມໃຫຍ່ຈະປະສົບຜົນສຳເລັດຢ່າງຈົບງາມ, ຍົກອອກບັນດາລັດຖະນະໂຍບາຍໃໝ່, ຊ່ວຍຊາວ ຫວຽດນາມ ອາໄສຢູ່ຕ່າງປະເທດມີເງື່ອນໄຂສະດວກ ປະກອບກຳລັງເຫື່ອແຮງເຂົ້າໃນການສ້າງສາປະເທດຊາດ. ທ່ານ ຫງວຽນງ້ອກຮ໋ານ ຮອງປະທານສະມາຄົມຊາວ ໄທ ເຊື້ອຊາດ ຫວຽດນາມ ຢູ່ ບາງກອກ ແບ່ງປັນວ່າ:
“ພາຍຫລັງກອງປະຊຸມໃຫຍ່ປະສົບກັບຜົນສຳເລັດຢ່າງຈົບງາມ, ຂ້າພະເຈົ້າປາດຖະໜາຢາກ 2 ປະເທດ ຫວຽດນາມ ແລະ ໄທ ຈະເຮັດແນວໃດ ເພື່ອໃຫ້ພໍ່ແມ່ປະຊາຊົນຊາວ ຫວຽດນາມ ຢູ່ ໄທ ມີວຽກເຮັດງານທຳເປັນປົກປະຕິກ່ວາ. ພໍ່ແມ່ປະຊາຊົນຢູ່ ໄທ ຍາມໃດກໍ່ເຮັດບັນດາວຽກງານທີ່ດີ ແລະ ຍາມໃດກໍ່ອວາຍໜ້າເມືອຫາປະເທດຊາດ. ຂ້າພະເຈົ້າຫວັງວ່າ ໃນອະນາຄົດຢູ່ ບາງກອກ ຈະມີໂຮງຮຽນທີ່ສອນດ້ວຍພາສາ ຫວຽດນາມ”.
ພັກກອມມູນິດ ຫວຽດນາມ ກຳນົດແຈ້ງປະຊາຄົມຊາວ ຫວຽດນາມ ອາໄສຢູ່ຕ່າງປະເທດແມ່ນພາກສ່ວນໜຶ່ງທີ່ບໍ່ສາມາດຕັດແຍກອອກຈາກຊາດ ຫວຽດນາມ ໄດ້. ບົນຈິດໃຈນັ້ນ, ປະຊາຄົມຊາວ ຫວຽດນາມ ພວມດຳລົງຊີວິດຢູ່ ໄທ ຕັ້ງໜ້າຮ່ຳຮຽນ, ອອກແຮງງານ, ພ້ອມທັງ ຝາກຝັງຄວາມເຊື່ອໝັ້ນກ່ຽວກັບ ຫວຽດນາມ ນັບມື້ນັບຮັ່ງມີ ແລະ ເຂັ້ມແຂງ ແລະ ພັດທະນາບືນຕົວຂຶ້ນ.