ທ່ານນາຍົກລັດຖະມົນຕີ ຫງວຽນຊວນຟຸກມອບຂອງຂວັນໃຫ້ພໍ່ແມ່ປະຊາຊົນ
ຊົນເຜົ່າ ຢູ່ ເລີມດົງ
ພາບ:nhandan.com
|
(vovworld)- ຕອນບ່າຍວັນທີ 4/6, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ລົງເຮັດວຽກກັບການນຳແຂວງ ເລີມດົງ ກ່ຽວກັບບັນດາບັນຫາເສດຖະກິດສັງຄົມ. ກ່າວຄຳເຫັນທີ່ການເຮັດວຽກ, ທ່ານນາຍົກລັດຖະມົນຕີ ຫງວຽນຊວນຟຸກ ຊີ້ແຈ້ງວ່າ: ປະເທດຊາດພວມກ້າວເຂົ້າສູ່ໄລຍະເຊື່ອມໂຍງຢ່າງເລິກເຊິ່ງກວ້າງຂວາງ, ເພາະສະນັ້ນ ແຂວງ ເລີມດົງຄວນມີບັນດາມາດຕະການເສີມຂະຫຍາຍບັນດາທ່າໄດ້ປຽບຂອງທ້ອງຖິ່ນ. ແຂວງ ເລີມດົງ ຄວນສຸມໃສ່ພັດທະນາເຕັກໂນໂລຊີສູງ, ໃນນັ້ນ ສຸມໃສ່ເຂົ້າໃນຜັກພືດ, ດອກໄມ້, ເຫດ, ຢາສະໝູນໄພຈຳນວນຫນຶ່ງ. ພ້ອມທັງສ້າງຕັ້ງສະຫະກອນຫລາຍແຫ່ງ, ຊາວກະສິກອນຮ່ວມສຳພັນຢ່າງແຮງເຂົ້າຮ່ວມລະບົບການຜະລິດ. ກ່ອນຫນ້ານັ້ນ ທ່ານ ນາຍົກລັດຖະມົນຕີ ຫງວຽນຊວນຟຸກ ໄດ້ລົງຢ້ຽມຢາມ, ມອບຂອງຂວັນ ແລະ ໂອ້ລົມກັບພໍ່ແມ່ປະຊາຊົນບັນດາເຜົ່າຢູ່ ເມືອງ ດືກຈ້ອງ ແຂວງ ເລີມດົງ. ນະທີ່ນີ້, ທ່ານ ນາຍົກລັດຖະມົນຕີ ຫງວຽນຊວນຟຸກ ຊີ້ແຈ້ງວ່າ: ພັກ, ລັດ ຍາມໃດກໍເບິ່ງແຍງ ແລະ ຈະສືບຕໍ່ສ້າງແຜນນະໂຍບາຍ, ນະໂຍບາຍໃຫ້ສົມບູນແບບເພື່ອຫນູນຊ່ວຍ ແລະ ສ້າງເງື່ອນໄຂສະດວກໃຫ້ພໍ່ແມ່ປະຊາຊົນເຜົ່າສ່ວນຫນ້ອຍບືນຕົວຂຶ້ນ, ພັດທະນາເສດຖະກິດ, ຍົກສູງຊີວິດການເປັນຢູ່ທາງດ້ານວັດຖຸ ແລະ ຈິດໃຈຢ່າງບໍ່ຢຸດຢັ້ງ.