ທ່ານປະທານປະເທດ ຫວຽດນາມເຈືອງເຕີນຊາງ
photo:TTXVN
|
(vovworld)- ເປີດສາກວາລະປະຊຸມໃນຕອນເຊົ້າວັນທີ 23/10 ຂອງກອງປະຊຸມສະໄຫມສາມັນເທື່ອທີ 8 ສະພາແຫ່ງຊາດຫວຽດນາມ ຊຸດທີ 13, ທ່ານປະທານປະເທດ ຫວຽດນາມເຈືອງເຕີນຊາງ ໄດ້ລາຍງານບົດສະເຫນີກ່ຽວກັບການຮັບຮອງເອົາສົນທິສັນຍາຂອງ ສປຊ ກ່ຽວກັບສິດຂອງຄົນພິການ. ບົດສະເຫນີຢືນຢັນວ່າ ສົນທິສັນຍາຂອງ ສປຊ ກ່ຽວກັບສິດຂອງຄົນພິການໄດ້ຮັບການຮັບຮອງເອົາຈາກສະມັດຊາໃຫຍ່
ສປຊ ເມື່ອວັນທີ 13/12/2006 ແມ່ນສົນທິສັນຍາສາກົນຮອບດ້ານທີ່ສຸດ ກ່ຽວກັບການປົກປ້ອງສິດ ແລະ ຜົນປະໂຫຍດອັນຖືກຕ້ອງກັບກົດໝາຍຂອງຄົນພິການ. ຫວຽດນາມ ໄດ້ລົງນາມໃນສົນທິສັນຍາດັ່ງກ່າວເມື່ອວັນທີ 22/10/2007. ເລື່ອງໃຫ້ສັດຕະຍາບັນສົນທິສັນຍານີ້ແມ່ນບາດກ້າວສຳເລັດລະບຽບການເພື່ອໃຫ້ຫວຽດນາມກາຍເປັນສະມາຊິກຂອງສົນທິສັນຍາດັ່ງກ່າວ.
“ເລື່ອງໃຫ້ສັດຕະຍາບັນສົນທິສັນຍາດັ່ງກ່າວໃນຈຸດເວລາປະຈຸບັນຂອງລັດຫວຽດນາມ ແມ່ນສຳຄັນທີ່ສຸດ, ເພື່ອປະຕິບັດຢ່າງຖືກຕ້ອງຄຳໝັ້ນສັນຍາຂອງຊາດ, ສ້າງພື້ນຖານໃຫ້ແກ່ການເພີ່ມທະວີການເຈລະຈາກ່ຽວກັບສິດທິມະນຸດ ແລະ ແລກປ່ຽນກັບບັນດາປະເທດ, ອົງການຈັດຕັ້ງສາກົນກ່ຽວກັບສິດທິມະນຸດ. ເລື່ອງໃຫ້ສັດຕະຍາບັນສົນທິສັນຍາກ່ຽວກັບສິດຂອງຄົນພິການຈະແມ່ນຄຳໝັ້ນສັນຍາດ້ານການເມືອງຢ່າແຮງຂອງຫວຽດນາມ ໃນການປົກປ້ອງ ແລະ ຊຸກຍູ້ການພັດທະນາເພື່ອຜົນປະໂຫຍດຂອງຄົນພິການ. ນີ້ກໍແມ່ນຫນຶ່ງໃນບັນດາຫລັກຖານດ້ານກົດໝາຍເພື່ອໃຫ້ຫວຽດນາມ ຢືນຢັນທັດສະນະຂອງຕົນສຳລັບໂລກໃນຂົງເຂດຄົນພິການເວົ້າສະເພາະ ແລະ ສິດທິມະນຸດເວົ້າລວມ, ມີຄວາມໝາຍສຳຄັນເມື່ອຫວຽດນາມ ກາຍເປັນສະມາຊິກສະພາສິດທິມະນຸດຂອງ ສປຊ ອາຍຸການ 2014-2016”
ກ່ຽວກັບເລື່ອງໃຫ້ສັດຕະຍາບັນສົນທິສັນຍາຂອງ ສປຊ ກ່ຽວກັບການຕ້ານທໍລະມານ ແລະ ບັນດາຮູບການປະພຶດຫລືລົງໂທດຢ່າງໂຫດຮ້າຍສາມານ, ໄຮ້ມະນຸດສະທຳ, ທ່ານປະທານປະເທດ ເຈືອງເຕີນຊາງ ຊີ້ແຈ້ງວ່າ:
“ຫວຽດນາມ ຖະແຫລງ ບໍ່ນຳໃຊ້ໂດຍກົງບັນດາຂໍ້ກຳນົດຂອງສົນທິສັນຍາ ສປຊ ກ່ຽວກັບການທໍລະມານ ແລະ ບັນດາຮູບການປະພຶດຫລືລົງໂທດຢ່າງໂຫດຮ້າຍສານມານ, ໄຮ້ມະນຸດສະທຳ. ເລື່ອງປະຕິບັດບັນດາຂໍ້ກຳນົດຂອງສົນທິສັນຍາດັ່ງກ່າວ ຈະປະຕິບັດຕາມຫລັກການລັດຖະທຳມະນູນ ແລະ ກົດໝາຍຂອງຫວຽດນາມ ບົນພື້ນຖານບັນດາຂໍ້ຕົກລົງຮ່ວມມືສອງຝ່າຍຫລືຫລາຍຝ່າຍກັບປະເທດອື່ນ.”