![ບັນດານັກຊ່ຽວຊານຕີລາຄາສູງເປົ້າໝາຍພັດທະນາເສດຖະກິດ-ສັງຄົມ5ປີຈະມາເຖິງ - ảnh 1](https://image.vovworld.vn/w730/uploaded/vovworld/bcgmbuiq/2016_01_22/1234.jpg)
ພາບປະກອບ
|
(vovworld) – ບົດລາຍງານຕີລາຄາໝາກຜົນແຫ່ງການປະຕິບັດໜ້າທີ່ພັດທະນາເສດຖະກິດ - ສັງຄົມ ໄລຍະ 5 ປີ 2011 – 2015 ແລະ ທິດທາງ, ໜ້າທີ່ພັດທະນາເສດຖະກິດ - ສັງຄົມໄລຍະ 5 ປີ 2016 – 2020 ທີ່ກອງປະຊຸມໃຫຍ່ຄັ້ງທີ 12 ຂອງພັກກອມມູນິດ ຫວຽດນາມ ໄດ້ຮັບຄວາມສົນໃຈຂອງນັກຊ່ຽວຊານເສດຖະກິດຫຼາຍທ່ານ. ບັນດານັກຊ່ຽວຊານ ຖືວ່າ, ບັນດາເປົ້າໝາຍພັດທະນາເສດຖະກິດ - ສັງຄົມໄລຍະຈະມາເຖິງຕ້ອງໄດ້ຮັບການປະຕິບັດຢ່າງຂ້ຽວຂາດ, ແຂງແຮງ ແລະ ຮີບດ່ວນ, ເພື່ອແນໃສ່ຍົກສູງກຳລັງແກ່ງແຍ້ງຂອງພື້ນຖານເສດຖະກິດໃນສະພາບເຊື່ອມໂຍງ. ນັກຊ່ຽວຊານເສດຖະກິດ ຟ້າມຈີລານ, ຖືວ່າ:
“ຂ້າພະເຈົ້າເຫັນວ່າບົດລາຍງານຂອງກອງປະຊຸມໃຫຍ່ໄດ້ສະແດງບັນດາຄວາມມຸ່ງຫວັງອັນໃຫຍ່ຫຼວງຂອງ ຫວຽດນາມ ພັດທະນາໃນໄລຍະຈະມາເຖິງ. ສຳລັບກອງປະຊຸມໃຫຍ່ຄັ້ງນີ້, ສິ່ງສຳຄັນທີ່ສຸດແມ່ນຊີ້ໃຫ້ເຫັນທິດທາງໃດ ພາຍຫຼັງກອງປະຊຸມໃຫຍ່ຕ້ອງປະຕິບັດໃນທັນທີ ແລະ ຕ້ອງປະຕິບັດໃຫ້ໄດ້. ກໍຕ້ອງຊີ້ແຈ້ງໃຜແມ່ນຜູ້ຮັບຜິດຊອບການປະຕິບັດບັນດາເປົ້າໝາຍນັ້ນ. ໃນສະພາບການໃໝ່ຂອງການເຊ່ືອມໂຍງເຂົ້າກັບສາກົນ, ກຳລັງດັນທີ່ມີຕໍ່ ຫວຽດນາມ ແມ່ນສູງທີ່ສຸດ.”
ສ່ວນນັກຊ່ຽວຊານ ເສດຖະກິດ ຫງວຽນມິງຟອງ, ເນັ້ນໜັກວ່າ:
“ກອງປະຊຸມໃຫຍ່ຄັ້ງທີ 12 ຂອງພັກ ໄດ້ຍົກອອກບັນດາຄາດໝາຍ ກໍຄືບັນດາເປົ້າໝາຍພັດທະນາເສດຖະກິດສັງຄົມໄລຍະ 5 ປີຈະມາເຖິງ ກໍຄືໃນໄລຍະກາງໃນຕໍ່ໜ້າ. ອາດເວົ້າໄດ້ວ່າ ບັນດາຄາດໝາຍ ແລະ ບັນດາຈຸດໝາຍທີ່ໄດ້ຍົກອອກມາຢ່າງຄົບຊຸດ ແລະ ມີຄວາມສາມາດເປັນໄປໄດ້ຢ່າງສູງໂດຍພື້ນຖານ.”