ປະຊາຄົມເສດຖະກິດອາຊີ-ເອີລົບເພີ່ມທະວີການເຊື່ອມໂຍງເຂົ້າກັບພາກພື້ນ
(ພາບປະກອບ)
|
Vovworld- “ ອະນາຄົດຂອງວິວັດທະນາການເຊື່ອມໂຍງໃນສະພາບແວດລ້ອມ ປະຊາຄົມບັນດາປະເທດເອກະລາດ ( SNG) ”, ນັ້ນແມ່ນຫົວເລື່ອງຕົ້ນຕໍ່ຂອງກອງປະຊຸມສຸດຍອດປະຊາຄົມເສດຖະກິດອາຊີ-ເອີລົບຊຶ່ງຖືກໄຂຂຶ້ນໃນວັນທີ 19/3 ຢູ່ມົດສກູ ໂດຍພາຍໄຕ້ການເປັນປະທານຂອງປະທານາທິບໍດີລັດເຊຍ Medvedev. ຄາດວ່າ ໃນຂອບເຂດກອງປະຊຸມຄັ້ງນີ້, ການນຳບັນດາປະເທດພາຄີ ປະຊາຄົມເສດຖະກິດອາຊີ-ເອີລົບຈະຮັບຮອງເອົາຂໍ້ຕົກລົງກ່ຽວກັບບັນດາຫຼັກການອັນເປັນພື້ນຖານຂອງຮ່າງສົນທິສັນຍາກຳນົດການປະຕິຮູບ ປະຊາຄົມເສດຖະກິດອາຊີ-ເອີລົບໃຫ້ກາຍເປັນອົງການຮ່ວມສຳພັນໃໝ່. ກອງປະຊຸມຍັງປຶກສາຫາລືບັນດາແງ່ມຸມທີ່ສຳຄັນອື່ນໆຂອງວິວັດທະນາການສືບຕໍ່ເຊື່ອມໂຍງ, ໃນນັ້ນເປັນເອກະພາບກັນໃນການກວດໜັງສືຜ່ານແດນ-ວິຊາຢູ່ບັນດາປະເທດພາຄີສະມາຊິກພັນທະພາບພາສີແນໃສ່ຮັບປະກັນໃຫ້ປະຊາຊົນບັນດາປະເທດສະມາຊິກໄດ້ໄປມາຢ່າງເສລີຢູ່ດິນແດນປະເທດເຫຼົ່ານັ້ນ. ລັດເຊຍເຊື່ອໝັ້ນວ່າບັນດາຂໍ້ຕົກລົງທີ່ໄດ້ຮັບການຮັບຮອງເອົາທີ່ກອງປະຊຸມຄັ້ງນີ້ ຈະສ້າງກຳລັງຊຸກຍູ້ໃໝ່ໃຫ້ແກ່ວິວັດທະນາການເຊື່ອມໂຍງໃນສະພາບແວດລ້ອມ ອາຊີ-ເອີລົບ.