ປະຊາຊົນຫວຽດນາມຕີລາຄາສູງໝາກຜົນແຫ່ງການເລືອກຕັ້ງຄະນະບໍລິຫານງານສູນກາງພັກກອມມູນິດຫວຽດນາມ
![ປະຊາຊົນຫວຽດນາມຕີລາຄາສູງໝາກຜົນແຫ່ງການເລືອກຕັ້ງຄະນະບໍລິຫານງານສູນກາງພັກກອມມູນິດຫວຽດນາມ - ảnh 1](https://image.vovworld.vn/w730/uploaded/vovworld/bcgmbuiq/2016_01_27/273.jpg)
ບັນດາຜູ້ແທນປ່ອນບັດເລືອກຕັ້ງຄະນະບໍລິຫານ
ງານສູນກາງພັກຊຸດທີ 12
(ພາບ: VietCuong)
(vovworld) - ເມື່ອສົນໃຈຕິດຕາມກອງປະຊຸມໃຫຍ່ທົ່ວປະເທດຄັ້ງທີ 12 ຂອງພັກກອມມູນິດ ຫວຽດນາມ, ພາຍຫລັງ ບັນຊີລາຍຊື່ຄະນະບໍລິຫານງານສູນກາງພັກຊຸດທີ 12 ໄດ້ປະກາດໃນຕອນບ່າຍວັນທີ 16/01, ປະຊາຊົນຈຳນວນຫລວງຫລາຍຕີລາຄາໝາກຜົນຂອງກອງປະຊຸມໃຫຍ່ ແລະ ເຊື່ອໝັ້ນວ່າ ຄະນະບໍລິຫານງານສູນກາງພັກຊຸດທີ 12 ມີບາດກ້າວປ່ຽນໃໝ່ຫລາຍຢ່າງ. ເມື່ອທຽບໃສ່ກັບບັນດາອາຍຸການກ່ອນ, ພະນັກງານສູນກາງອາຍຸການຊຸດທີ 12 ໜຸ່ມກ່ວາ, ໄດ້ຮັບການກໍ່ສ້າງ ແລະ ມີແຜນກຳນົດຢ່າງລະອຽດ. ທ່ານ ເລວັນເຕີນ ຢູ່ເມືອງ ເກົ່າເຢີຍ ຮ່າໂນ້ຍ ເຊື່ອໝັ້ນວ່າ: ຄະນະບໍລິຫານງານສູນກາງພັກຊຸດໃໝ່ ຈະສ້າງຜົນງານໃໝ່, ນຳປະເທດຊາດພັດທະນາ, ຕອບສະໜອງຕາມຄວາມຮຽກຮ້ອງຕ້ອງການຂອງປະຊາຊົນ ແລະ ປົກປັກຮັກສາຜືນແຜນດິນອັນຄົບຖ້ວນຂອງປະເທດຊາດ. ທ່ານ ເລວັນເຕີນ ໃຫ້ຮູ້ວ່າ:
“ການເລືອກຕັ້ງຄັ້ງນີ້ ໄດ້ຜ່ານຫລາຍຂັ້ນຕອນ, ແຕ່ລະຂັ້ນຕອນໄດ້ສະແດງໃຫ້ເຫັນມີປະຊາທິປະໄຕ ແລະ ລວມສູນສຸມໃສ່, ເຮັດໃຫ້ປະຊາຊົນນັບມື້ນັບໄວ້ເນື້ອເຊື່ອໃຈ ໂດຍພາຍໃຕ້ການຊີ້ນຳນຳພາຂອງພັກກອມມູນິດ ຫວຽດນາມ. ຂ້າພະເຈົ້າ ເຊື່ອໝັ້ນວ່າ ດ້ວຍຖັນແຖວການນຳ, ບັນດາສະຫາຍໃນຄະນະບໍລິການງານຊຸດໃໝ່ ຈະເລືອກຕັ້ງກົມການເມືອງທີ່ມີຄວາມສາມາດພຽງພໍ ຮັບປະກັນໜ້າທີ່ປົກປັກຮັກສາປະເທດຊາດໃນໄລຍະປະຈຸບັນ”.
ປະຊາຊົນທົ່ວປະເທດລ້ວນແຕ່ຫວັງວ່າ: ບັນດາຜູ້ໄດ້ຮັບໜ້າທີ່, ໄດ້ຮັບການເລືອກຕັ້ງເຂົ້າໃນຄະນະບໍລິຫານງານສູນກາງພັກຊຸດທີ 12 ຈະມີບັນດາລັດຖະນະໂຍບາຍທີ່ຖືກຕ້ອງ, ນຳພາປະເທດຊາດນັບມື້ນັບພັກທະນາ, ມີສະຖຽນລະພາບທາງດ້ານເສດຖະກິດ - ການເມືອງ, ສືບຕໍ່ຍົກສູງຊີວິດການເປັນຢູ່ຂອງປະຊາຊົນ.