ລັດເຊຍມີແຜນນະໂຍບາຍສ້າງການພົວພັນຄູ່ຮ່ວມມືຍຸດທະສາດກັບASEAN
ທ່ານ ປະທານາທິບໍດີລັດເຊຍ Vladimir Putin
(ພາບອິນເຕີແນັດ)
(vovworld)- ໃນວັນທີ 11/5, ທ່ານ ປະທານາທິບໍດີລັດເຊຍ Vladimir Putin ໃຫ້ຮູ້ວ່າ Moscow ພ້ອມແລ້ວທີ່ຈະສ້າງຕັ້ງການພົວພັນຄູ່ຮ່ວມມືຍຸດທະສາດ ກັບ ສະມາຄົມປະຊາຊາດອາຊີຕາເວັນອອກສຽງໃຕ້ (ASEAN) ແລະ ສິ່ງດັ່ງກ່າວຈະໄດ້ຮັບການຊຸກຍູ້ ທີ່ກອງປະຊຸມຂັ້ນສູງ ASEAN-ລັດເຊຍ ເຊິ່ງຈະດຳເນີນ ຢູ່ ນະຄອນຫຼວງ Sochi ໃນລະຫວ່າງ ວັນທີ 19 ແລະ 20/5 ຈະມາເຖິງ. ຜູ້ນຳລັດເຊຍ ຢັ້ງຢືນວ່າ ການພົວພັນຮ່ວມມືຮອບດ້ານ ກ່ຽວກັບດ້ານການເມືອງ, ດ້ານເສດຖະກິດ ແລະ ມະນຸດສະທຳ ລະຫວ່າງ ລັດເຊຍ ແລະ ASEAN ເປັນພື້ນຖານທີ່ໝັ້ນຄົງ ປະກອບສ່ວນນຳການພົວພັນນີ້ ຂື້ນສູ່ລະດັບສູງໃໝ່, ນຳມາເຊິ່ງສະຖຽນລະພາບ ແລະ ການເຕີບໂຕທາງດ້ານເສດຖະກິດ ໃຫ້ທົ່ວພາກພື້ນອາຊີ-ປາຊີຟິກ.
ການນຳລັດເຊຍ ກໍ່ໃຫ້ຮູ້ວ່າ: ຄາດຄະເນ ທີ່ກອງປະຊຸມຂັ້ນສູງ ທີ່ຈະດຳເນີນ ຢູ່ ນະຄອນຫຼວງ Sochi ນັ້ນ, ສອງຝ່າຍຈະປຶກສາຫາລືບັນຫາຕ່າງໆເຊັ່ນ: ລັກສະນະອັນຮີບດ່ວນ ຂອງວຽກການເພີ່ມທະວີ ການປ້ອງກັນຄວາມສະຫງົບຢູ່ພາກພື້ນ ໃນການຕໍ່ສູ້ຕ້ານການກໍ່ການຮ້າຍ ການເຄື່ອນໄຫວຂອງພວກກະບົດຫົວຮຸນແຮງໃນພາກພື້ນ ພ້ອມກັບເຄືອຂ່າຍອາດຊະຍາກຳຂ້າມຊາດ.