ສະຫະປະຊາຊາດເນັ້ນໜັກເຖິງໜ້າທີ່ຮັບປະກັນສັນຕິພາບແລະພັດທະນາແບບຍືນຍົງ
ທ່ານເລຂາທິການໃຫຍ່ສະຫະປະຊາຊາດ Ban Ki moon
(ພາບ: UN Photo)
(vovworld) - ໃນສານເນື່ອງໃນໂອກາດແຫ່ງວັນສະຫະປະຊາຊາດ (24/10), ທ່ານເລຂາທິການໃຫຍ່ສະຫະປະຊາຊາດ Ban Ki moon ໄດ້ເນັ້ນໜັກເຖິງພາລະບົດບາດຂອງອົງການຫຼາຍຝ່າຍທີ່ໃຫຍ່ກວ່າໝູ່ໃນໂລກນີ້ ໃນການຮັບປະກັນສັນຕິພາບ ແລະ ການພັດທະນາແບບຍືນຍົງ. ໃນສານສຸດທ້າຍ ໃນຖານະເປັນເລຂາທິການໃຫຍ່ສະຫະປະຊາຊາດ, ທ່ານ Ban Ki moon ໃຫ້ຮູ້ວ່າ, ບັນດາປະເທດສະມາຊິກສະຫະປະຊາຊາດ ພວມພ້ອມກັນສ້າງຕັ້ງພື້ນຖານຢ່າງໝັ້ນຄົງ ຈາກນັ້ນມອບສິດໃຫ້ແມ່ຍິງ, ຊາວໜຸ່ມ ແລະ ປົກປ້ອງສິດທິມະນຸດໃຫ້ທຸກໆຄົນ. ຕາມທ່ານເລຂາທິການໃຫຍ່ແລ້ວ, ບັນດາປະເທດໄດ້ ແລະ ພວມບັນລຸບາດກ້າວສຳຄັນ ເພື່ອມຸ່ງໄປເຖິງອະນາຄົດທີ່ໝັ້ນຄົງກວ່າ ຜ່ານໂຄງການພັດທະນາແບບຍືນຍົງ 2030 ແລະ ສັນຍາປາຣີ ກ່ຽວກັບການປ່ຽນແປງຂອງດິນຟ້າອາກາດ.