ຮ່າງກົດໝາຍສິດທິມະນຸດຫວຽດນາມ ແມ່ນບ້າດກ້າວທີ່ຫຼົງທິດ
ທ່ານສະມາຊິກສະພາຕ່ຳ Eni Faleomavaega
(ພາບ:xaluan.com)
(vovworld)- ທ່ານສະມາຊິກສະພາຕ່ຳ Eni Faleomavaega ສະມາຊິກຂັ້ນສູງຂອງອະນຸກຳມະການອາຊີ-ປາຊີຟິກຂອງສະພາຕ່ຳອາເມລິກາ ຫາກໍ່ອອກແຈ້ງການໜັງສືພິມໂດຍຖືວ່າ ອັນທີ່ເອີ້ນວ່າ: ຮ່າງກົດໝາຍສິດທິມະນຸດຫວຽດນາມ ປີ 2012 ທີ່ມີລະຫັດ H.R 1410 ຊື່ງສະພາຕ່ຳອາເມລິກາ ໄດ້ລົງຄະແນນສຽງຮັບຮອງເອົາເມື່ອຕອນຄ່ຳວັນທີ 11/9 ທີ່ຜ່ານມານັ້ນແມ່ນບ້າດກ້າວທີ່ຫຼົງທິດ. ແຈ້ງການໜັງສືພິມໃນວັນທີ 12/9 ຂອງທ່ານສະມາຊິກສະພາຕ່ຳ Eni Faleomavaega ໄດ້ສະແດງຄວາມເສຍດາຍຕໍ່ເລື່ອງຮ່າງກົດໝາຍສະບັບດັ່ງກ່າວໂດຍອະນຸກຳມະການອາຟຼິກກາ, ການແພດທົ່ວໂລກ ແລະ ສິດທິມະນຸດຍົກອອກມາ ຫາກບໍ່ແມ່ນອະນຸກຳມະການອາຊີ-ປາຊີຟິກ, ຊື່ງແມ່ນອົງການຮັບຜິດຊອບທຸກໆການຕົກລົງກ່ຽວກັບນະໂຍບາຍຂອງອາເມລກິກາ ທີ່ກ່ຽວຂ້ອງເຖິງຫວຽດນາມ. ທ່ານສະມາຊິກສະພາຕ່ຳ Eni Faleomavaega ຖືວ່າ ຮ່າງກົດໝາຍ H.R 1410 ອີງຕາມບັນດາຂໍ້ມູນຂ່າວຫຼ້າຫຼັງ ບໍ່ສ່ອງແສງຄວາມກ້າວໜ້າດ້ານສິດທິມະນຸດຢູ່ຫວຽດນາມ ໄດ້. ຮ່າງກົດໝາຍ H.R 1410 ໄປຝືນກັບບັນດາຄວາມມານະພະຍາຍາມຂອງອຳນາດການປົກຄອງ ສະໄໝທ່ານ Bill Clinton, George Bush ແລະ B.Obama ເພື່ອແນໃສ່ເພີ່ມທະວີການພົວພັນກັບຫວຽດນາມ.