(vovworld) - ວັນທີ 3/1, ວັນບຸນ “ລະດູບານໃໝ່ຢູ່ໝູ່ເກາະ” ຖືກຈັດຂຶ້ນຢູ່ນະຄອນ ໂຮ່ຈີມິນ ດ້ວຍການເຂົ້າຮ່ວມຂອງນັກສີລະປິນກ່ວາ 200 ຄົນ ພ້ອມກັບທະຫານເຮືອ 100 ຄົນ ແລະ ໄວໜຸ່ມນະຄອນເປັນຈຳນວນຫຼວງຫຼາຍ. ວັນບຸນ ແມ່ນໂອກາດເພື່ອເຊື່ອມຕໍ່ລະຫວ່າງດິນຕໍແຜ່ນ ກັບເຂດໝູ່ເກາະ, ເປັນການສະແດງນ້ຳໃຈຂອງນັກສີລະປິນ ແລະ ຊາວນະຄອນ ໂຮ່ຈີມິນ ທີ່ມີຕໍ່ນັກຮົບທີ່ພວມເວນຍາມບັນດາເຂດທະເລ, ໝູ່ເກາະຂອງປະເທດຊາດ. ປີນີ້, ລາຍການຍັງຂົນຂວາຍການປະກອບສ່ວນ ເພື່ອມອບຂອງຂວັນລະດູບານໃໝ່ໃຫ້ແກ່ເດັກນອຍພວມດຳລົງຊີວິດໃນໝູ່ເກາະ ເຈື່ອງຊາ. ເນື່ອງໃນໂອກາດນີ້, ງານວາງສະແດງດ້ວຍຫົວຂໍ້ວ່າ: “ທະເລ, ອະທິປະໄຕທະເລ - ໝູ່ເກາະ ແລະ ຊັບພະຍາກອນທະເລຫວຽດນາມ” ກໍ່ຖືກໄຂຂຶ້ນ, ຊຶ່ງໄດ້ວາງສະແດງຮູບພາບ ກ່ຽວກັບທະເລໝູ່ເກາະຫວຽດນາມ, ແຜນທີ່, ຫຼັກໝາຍອະທິປະໄຕຫວຽດນາມ, ລາຍການແຜ່ບໍລິຈາກເງິນເພື່ອກໍ່ສ້າງເຈື່ອງຊາ.
ນອກຈາກນັ້ນກໍ່ຍັງມີການເຄື່ອນໄຫວຂອງວິສາຫະກິດນະຄອນໂຮ່ຈິມິນມອບຂອງຂວັນໃຫ້ນັບຮົບເຈື່ອງຊາ: ເງິນຈຳນວນກ່ວາ 200 ລ້ານດົ່ງແມ່ນຈຳນວນເງິນ ຊື່ງບັນດາ ວິສາຫະກິດສະມາຊິກຂອງບໍລິສັດໃຫ່ຍການຄ້າໄຊງອນ (Satra) ບໍລິຈາກໄດ້ຈາກລາຍການ “ທຳການຜະລິດ 1 ຊົ່ວໂມງເພື່ອເຈື່ອງຊາ“ ໂດຍບໍລິສັດໃຫ່ຍປຸກລະດົມ. ນີ້ແມ່ນການເຄື່ອນໄຫວໃນໂຄງການ “Satra ເພື່ອເຂດທະເລໝູ່ເກາະຂອງບ້ານເກີດເມືອງນອນ“ ເພື່ອແນໃສ່ສະແດງໃຫ້ເຫັນອາລົມຈິດ, ຄວາມຮັບຜິດຊອບ ແລະ ຄວາມເອົາໃຈໃສ່ຂອງພະນັກງານ, ພາລະກອນບໍລິສັດໃຫ່ຍການຄ້າໄຊງອນ ທີ່ມີຕໍ່ບັນດານັກຮົບພວມເວັນຍາມເຂດທະເລໝູ່ເກາະຂອງປະເທດຊາດທັງວັນ ແລະ ຄືນ. ທ່ານວັນດຶກເມື່ອຍ ຜູ້ອຳນວຍການໃຫ່ຍບໍລິສັດ Vissan ຊື່ງແມ່ນສະມາຊິກຂອງ Satra ໃຫ້ຮູ້ວ່າ:
“ນີ້ແມ່ນການເຄື່ອນໄຫວທີ່ມີຄວາມໝາຍທີ່ສຸດ. ຍາມໃດ, ພະນັກງານພາລະກອນຂອງບໍລິສັດ Vissan ແຕ່ລະຄົນ ກໍ່ມຸ້ງໄປເຖິງນັກຮົບເຈື່ອງຊາ ແລະ ຊາວປະມົງຢູ່ເຂດແຄມທະເລທາງພາກກາງຫວຽດນາມ. ໃນ 2 ປີມານີ້, ແຕ່ລະປີ, ພວກຂ້າພະເຈົ້າໄດ້ບໍລິຈາກເງິນໃຫ້ແກ່ໂຄງການ “Satra ເພື່ອເຂດທະເລໝູ່ເກາະຂອງບ້ານເກີດເມືອງນອນ“ ຈຳນວນເງິນປະມານ 100 ລ້ານດົ່ງ. ປີນີ້ພວກຂ້າພະເຈົ້າບໍລິຈາກເງິນຈຳນວນເງິນ 200 ລ້ານດົ່ງເພື່ອມອບໃຫ້ບັນດານັກຮົບເຈື່ອງຊາ“