(vovworld) - ວັນທີ 02/02, ບັນດາກຳລັງປະກອບອາວຸດກຸຍບາ ເລີ່ມຕົ້ນລາຍການຊ້ອມຮົບປີ 2013 ດ້ວຍຈຸດໝາຍປົກປັກຮັກສາປະເທດຊາດ ຕໍ່ໜ້າກົນອຸບາຍຮຸກຮານຂອງກຳລັງທີ່ເປັນປໍລະປັກຈາກຕ່າງປະເທດ ແລະ ຮັກສາໝາກຜົນຂອງການປະຕິວັດໃນທຸກສະພາບການ. ລາຍການຊ້ອມຮົບຈະແກ່ຍາວແຕ່ນີ້ຮອດເດືອນ ພະຈິກ ແລະ ສິ້ນສຸດລົງດ້ວຍການຊ້ອບຮົບຂະໜາດໃຫຍ່ທີ່ມີຊື່ວ່າ “ກຳແພງ 2013”. ກ່າວຄຳເຫັນທີ່ພິທີເລີ່ມຕົ້ນການຊ້ອມຮົບຢູ່ແຂວງ Cameguey, ພົນຕີ Ramon Lauzao, ຜູ້ບັນຊາການທະຫານກອງພົນໃຫຍ່ພາກຕາເວັນອອກ ຢືນຢັນວ່າ ກຳລັງປະກອບອາວຸດປະຕິວັດກຸຍບາ ຈະເພີ່ມທະວີກົດລະບຽບການທະຫານ, ກະກຽມຖັນແຖ້ວຜູ້ບັນຊາການສູ້ຮົບຢ່າງລອບຂອບທີ່ຖ້ວນ ແລະ ຍົກສູງຈິດໃຈລະມັດລະວັງເພື່ອຮັບມືກັບທຸກກໍລະນີທີ່ອາດຈະເກີດຂຶ້ນ.