ປູກ​ຕົ້ນ​ໄມ້​ປົກ​ປັກ​ຮັກ​ສາ​ສິ່ງ​ແວດ​ລ້ອມ ພາບ​ປະ​ກອບ:internet

 (vovworld)-​ ກົດ​ໝາຍ​ວ່າ​ດ້ວຍ​ການ​ປົກ​ປັກ​ຮັກ​ສາ​ສິ່ງ​ແວດ​ລ້ອມ(ສະ​ບັບ​ປັບ​ປຸງ) ໂດຍ​ສະ​ພາ​ແຫ່ງ​ຊາດ​ຮັບ​ຮອງ​ເອົາ​ເມື່ອ​ວັນ​ທີ 23/6/2014 ໄດ້​ສ້າງ​ບາດ​ກ້າວ​ບຸກ​ທະ​ລຸ​ໃນ​ວຽກ​ງານ​ປົກ​ປັກ​ຮັກ​ສາ​ສິ່ງ​ແວດ​ລ້ອມ. ນັ້ນ​ແມ່ນ​ຄຳ​ຢືນ​ຢັນ​ຂອງ​ທ່ານ ຫງວຽນ​ມີງກວາງ, ລັດ​ຖະ​ມົນ​ຕີ​ກະ​ຊວງ​ຊັບ​ພະ​ຍາ​ກອນ ແລະ ສິ່ງ​ແວດ​ລ້ອມ ເມື່ອ​ກົດ​ໝາຍ​ສະ​ບັບ​ດັ່ງ​ກ່າວ​ມີ​ຜົນ​ສັກ​ສິດ​ນັບ​ແຕ່​ວັນ​ທີ 1/1/2015 ເປັນ​ຕົ້ນ​ໄປ. ກົດ​ໝາຍ​ສະ​ບັບ​ນີ້ ໄດ້​ກຳ​ນົດ​ຢ່າງ​ແຫນ້ນ​ແຟ້ນ​ໃນ​ການ​ປົກ​ປັກ​ຮັກ​ສາ​ສິ່ງ​ແວດ​ລ້ອມ ເປັນ​ຕົ້ນ​ແມ່ນ​ບັນ​ຫາ​ຕີ​ລາ​ຄາ​ຜົນ​ກະ​ທົບ​ເຖິງ​ສິ່ງ​ແວດ​ລ້ອ​ມ​ສຳ​ລັບ​ບັນ​ດາ​ການ​ເຄື່ອນ​ໄຫວ​ຂຸດ​ຄົ້ນ, ນຳ​ໃຊ້​ຊັບ​ພະ​ຍາ​ກອນ​ທຳ​ມະ​ຊາດ.