(ກອງປະຊຸມພິເສດເພື່ອປຶກສາຫາລືກ່ຽວກັບສະພາບການຢູ່ ມຽນມາ)

        ຕອນເຊົ້າວັນທີ 27 ຕຸລາ, ຢູ່ສຳນັກງານຄະນະເລຂາ ອາຊຽນ, ທີ່ນະຄອນຫຼວງ ຈາກາຕາ, ປະເທດ ອິນໂດເນເຊຍ, ລັດຖະມົນຕີການຕ່າງປະເທດບັນດາປະເທດ ອາຊຽນ ໄດ້ດຳເນີນກອງປະຊຸມພິເສດເພື່ອປຶກສາຫາລືກ່ຽວກັບສະພາບການຢູ່ ມຽນມາ. ກອງປະຊຸມແມ່ນແນໃສ່ພິຈາລະນາຄວາມຄືບໜ້າຂອງເລື່ອງປະຕິບັດແຜນການເຫັນດີເຫັນພ້ອມ 5 ຂໍ້ ເຊິ່ງໄດ້ຮັບຄວາມເຫັນດີຈາກບັນດາການນຳ ອາຊຽນ ໃນເດືອນ ເມສາ 2021, ລວມທັງຮຽກຮ້ອງໃຫ້ຢຸດຕິການໃຊ້ຄວາມຮຸນແຮງ, ເພີ່ມທະວີການອຸປະຖຳມະນຸດສະທຳ, ແຕ່ງຕັ້ງທູດພິເສດ ອາຊຽນ ກໍຄືຊຸກຍູ້ການເຈລະຈາລະຫວ່າງບັນດາຝ່າຍ… ບົນພື້ນຖານນັ້ນ, ອາຊຽນ ໄດ້ເຫັນດີເປັນເອກະພາບຕໍ່ຫຼັກໝັ້ນ ແລະ ວິທີສຳຜັດ ກໍຄືມາດຕະການຕໍ່ໄປສຳລັບວິກິດການຢູ່ ມຽນມາ. ກ່າວຄຳເຫັນໄຂກອງປະຊຸມ, ທ່ານລັດຖະມົນຕີການຕ່າງປະເທດ ກຳປູເຈຍ Prak Sokhon ເນັ້ນໜັກວ່າ, ເລື່ອງແກ້ໄຂວິກິດການຢູ່ ມຽນມາ ຮຽກຮ້ອງຕ້ອງມີຄວາມອົດທົນ ແລະ ມີຄວາມມານະພະຍາຍາມຢ່າງໃຫຍ່ຫຼວງກວ່າອີກ ເພື່ອບັນລຸໄດ້ມາດຕະການແກ້ໄຂໂດຍສັນຕິວິທີ.