(vovworld) – ວັນທີ 17/11, ແຂວງກຽນຢາງ ໄດ້ຈັດກອງປະຊຸມສຳມະນາວິທະຍາສາດ ດ້ວຍຫົວຂໍ້ວ່າ “ກຽນຢາງ ປະຕິບັດຄຳພິໄນກຳຂອງປະທານໂຮ່ຈິມິນ” ເນື່ອງໃນໂອກາດສະເຫຼີມສະຫຼອງ 45 ປີແຫ່ງວັນປະຕິບັດຄຳພິໄນກຳຂອງປະທານໂຮ່ຈິມິນ. ມີບົດປະກອບຄວາມເຫັນຂອງບັນດາການນຳ, ນັກຄຸ້ມຄອງ, ນັກຄົ້ນຄວ້າລ້ວນແຕ່ຢືນຢັນວ່າ ພິໄນກຳຂອງປະທານໂຮ່ຈິມິນ ແມ່ນເອກະສານປະຫວັດສາດທີ່ຍິ່ງໃຫຍ່, ມີຄວາມໝາຍທາງດ້ານທິດສະດີ ແລະ ພຶດຕິກຳຕົວຈິງຢ່າງເລິກເຊິ່ງ. ຄຳພິໄນກຳຂອງປະທານໂຮ່ຈິມິນ ແມ່ນການໂຮມຍອດຍິ່ງຂອງບັນດາຄຸນຄ່າປະຫວັດສາດ, ວັດທະນະທຳ, ແນວຄິດຂອງເພີ່ນ; ແມ່ນເຂັມຊີ້ທິດໃຫ້ວິວັດການປະຕິວັດ ແລະ ພາລະກິດສ້າງສາ ແລະ ປົກປັກຮັກສາປະເທດຊາດໃນຫຼາຍດ້ານ. ຄຳພິໄນກຳຂອງປະທານໂຮ່ຈິມິນ ຍັງສະແດງທາດແທ້ຄຸນສົມບັດທີ່ໄສແຈ້ງ, ຮັບໃຊ້ການປະຕິວັດ, ຮັບໃຊ້ປະເທດຊາດ ແລະ ປະຊາຊົນຂອງນັກຮົບກອມມູນິດທີ່ດີເດັ່ນໃນຕະຫຼອດຊີວິດຂອງປະທານໂຮ່ຈິມິນ; ສະແດງໃຫ້ເຫັນຄວາມຫວັງສຸດທ້າຍຂອງເພີ່ນ ແມ່ນສ້າງສາປະເທດຫວຽດນາມ ແຫ່ງສັນຕິພາບ, ເອກະພາບ, ເອກະລາດ, ປະຊາທິປະໄຕ ແລະ ເຮັ່ງມີເຂັ້ມແຂງ.