ການປະຊຸມຂ່າວກ່ຽວກັບກອງປະຊຸມ ສະຫລຸບວຽກງານຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດ
(ພາບປະກອບ:phattuvietnam.net)
(VOV)- ຕອນເຊົ້າວັນທີ 10/10, ຢູ່ຮ່າໂນ້ຍ, ຄະນະປະຕິບັດງານພິເສດ-ຄະນະກຳມະການອາຊີບລັດຖະບານ ໄດ້ຈັດການປະຊຸມຂ່າວແນະນຳກອງປະຊຸມສະຫລຸບຂັ້ນລັດກ່ຽວກັບວຽກງານຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດ, ທະຫານອາສາສະໝັກ ແລະ ຊ່ຽວຊານຫວຽດນາມ ທີ່ໄດ້ເສຍສະຫຼະຊີວິດໃນໄລຍະສົງຄາມຢູ່ລາວ ແລະ ກຳປູເຈຍ. ກອງປະຊຸມຈະດຳເນີນໄປໃນວັນທີ 16/10 ຈະມາເຖິງ. ທ່ານພັນເອກ Tran Van Minh ຫົວໜ້າກົມນະໂຍບາຍ, ກົມໃຫ່ຍການເມືອງໃຫ້ຮູ້ວ່າ:
“ກອງປະຊຸມນີ້ທັງແມ່ນເພື່ອຕີລາຄາຄວາມຮັບຜິດຊອບຂອງພັກ, ລັດ ແລະ ປະຊາຊົນຫວຽດນາມ ຕໍ່ຍາດຕິພີ່ນ້ອງ, ຄອບຄົວນັກຮົບເສຍສະຫຼະຊີວິດເພື່ອຊາດ, ສະແດງຄວາມຮູ້ບຸນຄຸນຂອງພວກເຮົາທີ່ມີຕໍ່ເຂົາເຈົ້າ ແລະ ກໍ່ແມ່ນໂອກາດເພື່ອໃຫ້ພວກເຮົາສະແດງຄວາມຂອບອົກຂອບໃຈຕໍ່ພັກ, ລັດ ແລະ ປະຊາຊົນລາວ ແລະ ກຳປູເຈຍ ທີ່ໄດ້ຊ່ວຍພວກເຮົາປະຕິບັດໜ້າທີ່ນີ້“
ນັບແຕ່ປີ 1994 ມາຮອດປະຈຸບັນ, ຄະນະປະຕິບັດງານພິເສດຫວຽດນາມ ໄດ້ຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດຢູ່ລາວ ແລະ ກຳປູເຈຍ ໄດ້ກ່ວາ 30.000 ຊຸດແລ້ວ ແລະ ສູ້ຊົນຮອດປີ 2015 ຈະຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດຢູ່ລາວ ແລະ ກຳປູເຈຍ ປະມານ 4000 ຊຸດທີ່ຍັງເຫຼືອກັບເມືອປະເທດສຳເລັດໂດຍພື້ນຖານ.