ການພົບປະເຈລະຈາການຮ່ວມມືຫວຽດນາມ-ຍີ່ປຸ່ນ ກ່ຽວກັບການບຳລຸງສ້າງວິຊາຊີບ
(ພາບ:ອິນເຕີແນັດ)
(vovworld)- ໃນຂອບເຂດບັນດາການເຄື່ອນໄຫວຂອງເຫດການແລກປ່ຽນພົບປະຫວຽດນາມ-ຍີ່ປຸ່ນປີ 2012 ຈັດຂຶ້ນຢູ່ຍີ່ປຸ່ນ, ຕອນເຊົ້າວັນທີ 14/9, ກະຊວງແຮງງານທະຫານເສຍອົງຄະ ແລະ ສັງຄົມຫວຽດນາມ ໄດ້ເປັນປະທານການພົບປະເຈລະຈາການຮ່ວມມືຫວຽດນາມ-ຍີ່ປຸ່ນ ກ່ຽວກັບການບຳລຸງສ້າງວິຊາຊີບ ແລະ ພັດທະນາແຫຼ່ງຊັບພະຍາກອນມະນຸດ. ການພົບປະເຈລະຈາເພື່ອແນໃສ່ຕີລາຄາຄວາມຕ້ອງການ, ຄວາມສາມາດບົ່ມຊ້ອນ, ມາດຕະການຮ່ວມມືລະຫວ່າງຫວຽດນາມ-ຍີ່ປຸ່ນ ໃນຂົງເຂດບຳລຸງສ້າງວິຊາຊີບ, ບົນພື້ນຖານນັ້ນ ບັນດາອົງການມີໜ້າທີ່ຮັບຜິດຊອບສອງປະເທດຈະສະເໜີຕໍ່ລັດຖະບານສອງປະເທດກ່ຽວກັບບັນດາມາດຕະການເພີ່ມທະວີການຮ່ວມມື. ທ່ານ Tran Ngoc An ຫົວໜ້າກົມ, ຜູ້ອຳນວຍການກອງທຶນເສດຖະກິດການຕ່າງປະເທດ, ກະຊວງການຕ່າງປະເທດໃຫ້ຮູ້ວ່າ:
“ການພົບປະເຈລະຈາກ່ຽວກັບການພັດທະນາແຫຼ່ງຊັບພະຍາກອນມະນຸດສຸມໃສ່ຂົງເຂດຮຽນ ແລະ ສອນວິຊາຊີບ. ຢູ່ທີ່ນີ້, ຫວຽດນາມ ໄດ້ແນະນຳຄວາມຕ້ອງການກໍ່ຄືຄວາມປາດຖະໜາຂອງຫວຽດນາມ ຢາກຮ່ວມມືໃນຂົງເຂດສອນວິຊາຊີບຍ້ອນຍີ່ປຸ່ນມີຄຸນນະພາບ, ມີປະສິດທິຜົນສູງໃນຂົງເຂດນີ້, ສາມາດຕອບສະໜອງຄວາມຕ້ອງການຂອງບັນດາວິສາຫະກິດຍີ່ປຸ່ນລົງທຶນເຂົ້າຫວຽດນາມ“