(vovworld) - ຕອນເຊົ້າວັນທີ 22/3, ທ່ານຫງວຽນດັກວິງ, ເລຂາຜູ້ທີ 1 ຄະນະບໍລິຫານງານສູນກາງຄະນະຊາວໜຸ່ມກອມມູນິດໂຮ່ຈິມິນ, ປະທານຄະນະກຳມະການແຫ່ງຊາດກ່ຽວກັບຊາວໜຸ່ມຫວຽດນາມ ໄດ້ໂອ້ລົມສົນທະນາໂດຍກົງທາງເຄືອຂ່າຍອິນເຕີແນັດກັບສະມາຊິກຊາວໜຸ່ມ, ຊາວໜຸ່ມ ແລະ ປະຊາຊົນທົ່ວປະເທດໃນປະຕູຖານຂໍ້ມູນລັດຖະບານ. ການໂອ້ລົມສຸມໃສ່ບັນດາບັນຫາກ່ຽວຂ້ອງເຖິງຊາວໜຸ່ມ, ສະມາຊິກຊາວໜຸ່ມຄື: ຈຸດສຸມໃນເດືອນຊາວໜຸ່ມ 2013, ຊາວໜຸ່ມກັບການກໍ່ສ້າງຊົນນະບົດໃໝ່, ອົງການຊາວໜຸ່ມ, ສະຫະພັນຊາວໜຸ່ມກັບຊາວໜຸ່ມທີ່ເປັນກຳມະກອນ, ຜູ້ອອກແຮງງານເສລີ, ຊາວໜຸ່ມເຂົ້າຮ່ວມການພັດທະນາເສດຖະກິດ…ຕອບຄຳຖາມກ່ຽວກັບການກຳນົດທິດໃຫ່ຍເພື່ອເສີມຂະຫຍາຍບົດບາດປະຈັນບານຂອງຊາວໜຸ່ມ, ສ້າງເງື່ອນໄຂໃຫ້ຊາວໜຸ່ມເຂົ້າຮ່ວມການພັດທະນາປະເທດຊາດ, ທ່ານຫງວຽນດັກວິງ ໃຫ້ຮູ້ວ່າ:
“ໜຶ່ງໃນບັນດາໜ້າທີ່ຂອງຄະນະຊາວໜຸ່ມກອມມູນິດໂຮ່ຈິມິນ ແລະ ຊາວໜຸ່ມ ແມ່ນຕ້ອງນຳໜ້າໃນການເຂົ້າຮ່ວມການພັດທະນາເສດຖະກິດ-ສັງຄົມ ແລະ ໃນຂົງເຂດນີ້, ໜ້າທີ່ຂອງຊາວໜຸ່ມບໍ່ສາມາດຕັດແຍກອອກຈາກໜ້າທີ່ການເມືອງຂອງປະເທດຊາດໄດ້. ໃນປີຜ່ານມາ, ການເຄື່ອນໄຫວເຂົ້າຮ່ວມການພັດທະນາເສດຖະກິດ-ສັງຄົມ ຂອງຊາວໜຸ່ມໄດ້ນຳມາເຊິ່ງປະສິດທິຜົນລະອຽດທີ່ສຸດ. ຊາວໜຸ່ມໄດ້ປະຕິບັດບັນດາວຽກງານອັນແທດຈິງກ່ວາ, ລະອຽດກ່ວາ ແລະ ກໍ່ໄດ້ຮັບການໜູນຊ່ວຍຈາກລັດຖະບານຢ່າງຈະແຈ້ງກ່ວາ“.