(vovworld) – ວັນທີ 03/12, ໃນຂອບເຂດການໄປປະຕິບັດງານຢູ່ສ.ສະຫະພັນເຢຍລະມັນ, ຄະນະປະຕິບັດງານຄະນະຂົນຂວາຍປະຊາຊົນສູນກາງ, ໂດຍທ່ານຮອງຫົວໜ້າ ຫງວຽນວັນຮຸ່ງ, ເປັນຫົວໜ້າຄະນະ ໄດ້ມີການເຮັດວຽກກັບການນຳສະຖານທູດຫວຽດນາມ ປະຈຳ ເຢຍລະມັນ. ທ່ານນາງເອກອັກຄະລັດຖະທູດ ຫງວຽນທິຮ່ວາງແອງ ໄດ້ແຈ້ງໃຫ້ຊາບກ່ຽວກັບການພັດທະນາຢ່າງດີງາມໃນທຸກຂົງເຂດຂອງການພົວພັນລະຫວ່າງຫວຽດນາມ - ເຢຍລະມັນ. ບັນດາໂຄງການຮ່ວມມືພວມພັດທະນາໄດ້ຮັບການຜັນຂະຫຍາຍ ແລະ ມີປະສິດທິຜົນ, ປະກອບສ່ວນເຂົ້າໃນການພັດທະນາການພົວພັນຄູ່ຮ່ວມມືຍຸດທະສາດລະຫວ່າງ 2 ປະເທດ. ຕໍ່ຈາກນັ້ນ, ທີ່ສຳນັກງານສະຖານທູດ, ຄະນະປະຕິບັດງານຄະນະຂົນຂວາຍປະຊາຊົນສູນກາງ ໄດ້ມີການພົບປະກັບຜູ້ຕາງໜ້ານັກສຶກສາ ແລະ ມອບທຶນສຶກສາໃຫ້ແກ່ນັກສຶກສາດີເດັ່ນທີ່ພວມຮໍ່າຮຽນຢູ່ເຢຍລະມັນ ເພື່ອແນໃສ່ລະດົມກຳລັງໃຈ, ສົງເສີມພວກນ້ອງນັກສຶກສາສືບຕໍ່ສູ້ຊົນໃນການຮໍ່າຮຽນ ແລະ ຄົ້ນຄວ້າ.