ພົນເອກ ຟູ່ງກວາງແທງ, ລັດຖະມົນຕີກະຊວງປ້ອງກັນປະເທດຫວຽດນາມ
(vovworld) – ຄະນະຜູ້ແທນການທະຫານຂັ້ນສູງຫວຽດນາມ ໂດຍທ່ານພົນເອກ ຟູ່ງກວາງແທງ, ລັດຖະມົນຕີກະຊວງປ້ອງກັນປະເທດນຳໜ້າ ໄດ້ໄປຢ້ຽມຢາມມິດຕະພາບອົດສະຕາລີ ແຕ່ວັນທີ 15 - 20/3 ແລະ ນິວຊີແລນ ແຕ່ວັນທີ 21 – 25/3 ຢ່າງເປັນທາງການ. ການຢ້ຽມຢາມມິດຕະພາບອົດສະຕາລີ ຂອງຄະນະຜູ້ແທນທະຫານຂັ້ນສູງຫວຽດນາມ ດ້ວຍຈຸດໝາຍເພີ່ມທະວີການພົວພັນມິດຕະພາບ, ຄວາມເຂົ້າອົກເຂົ້າໃຈ ແລະ ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຂອງພາກພື້ນ ແລະ ໂລກ; ພ້ອມທັງແລກປ່ຽນບັນດາບັນຫາເຊິ່ງທັງສອງຝ່າຍຕ່າງມີຄວາມສົນໃຈ, ປຶກສາຫາລືບັນດາມາດຕະການຊຸກຍູ້ການການຮ່ວມມືປ້ອງກັນຊາດສອງຝ່າຍ, ບົນພື້ນຖານບົດບັນທຶກຊ່ວຍຈຳກ່ຽວກັບການຮ່ວມມືດ້ານປ້ອງກັນຊາດສອງຝ່າຍ, ເຊິ່ງໄດ້ຮັບການລົງນາມເມື່ອປີ 2012 ແລະ ການປຶກສາຫາລືລະຫວ່າງກະຊວງປ້ອງກັນປະເທດ ຂອງສອງປະເທດເຊິ່ງດຳເນີນຢູ່ຮ່າໂນ້ຍ ເມື່ອເດືອນ 8/2012. ສ່ວນຢູ່ນິວຊີແລນ, ຄະນະຜູ້ແທນການທະຫານຂັ້ນສູງຫວຽດນາມ ຈະແລກປ່ຽນບັນດາບັນຫາເຊິ່ງຕ່າງຝ່າຍຕ່າງມີຄວາມສົນໃຈ ແລະ ບັນດາເນື້ອໃນ, ມາດຕະການຊຸກຍູ້ການຮ່ວມມືປ້ອງກັນຊາດລະຫວ່າງກອງທັບ ແລະ ປະຊາຊົນສອງປະເທດ.