(VOVWORLD) -ໃນຂອບເຂດງານບຸນຊຸດເສື້ອຍາວນະຄອນໂຮ່ຈິມິນ ຄັ້ງທີ 5 ປີ 2018, ຕອນບ່າຍວັນທີ 08 ມີນາ, ພະແນກທ່ອງທ່ຽວ ແລະ ສະຫະພັນແມ່ຍິງນະຄອນໂຮ່ຈິມິນ ໄດ້ຈັດການໂອ້ລົມສົນທະນາ “ຄວາມງາມຂອງຊຸດເສື້ອຍາວຫວຽດນາມ”
 (ງານບຸນຊຸດເສື້ອຍາວນະຄອນໂຮ່ຈິມິນ ຄັ້ງທີ 5) |
ເພື່ອແນໃສ່ໂຄສະນາພາບພົດຂອງຊຸດອາພອນປະຈຳຊາດຂອງຫວຽດນາມ ຜ່ານໄລຍະຕ່າງໆແຫ່ງການສ້າງຕັ້ງ ແລະ ເຕີບໃຫຍ່, ພ້ອມທັງແມ່ນໂອກາດເພື່ອໃຫ້ເພື່ອນມິດສາກົນພ້ອມກັນແລກປ່ຽນ, ປຶກສາຫາລື ແລະ ພົບປະແລກປ່ຽນວັດທະນະທຳ.
ທີ່ການໂອ້ລົມສົນທະນາ, ທ່ານນາງ ຫງວຽນທິຫງອັກບິ໋ກ, ປະທານສະຫະພັນແມ່ຍິງນະຄອນໂຮ່ຈິມິນ ເນັ້ນໜັກວ່າ: ຜ່ານການຈັດຕັ້ງມາເປັນ 5 ຄັ້ງນັ້ນ, ງານບຸນຊຸດເສື້ອຍາວນະຄອນໂຮ່ຈິມິນ ໄດ້ກາຍເປັນເຫດການວັດທະນະທຳ, ທ່ອງທ່ຽວສຳຄັນ, ທັງໂຄສະນາພາບພົດການທ່ອງທ່ຽວນະຄອນ, ທັງເຊີດຊູພາບພົດຂອງອາພອນປະຈຳຊາດຂອງຫວຽດນາມ.
ກໍ່ທີ່ການໂອ້ລົມສົນທະນາ, ແຂກທີ່ເຂົ້າຮ່ວມໄດ້ຮັບຊົມ ແລະ ຊອກຮູ້ກ່ຽວກັບປະຫວັດຄວາມເປັນມາຂອງຊຸດເສື້ອຍາວຫວຽດນາມ.