(vovworld) - ຕອນຄ່ຳວັນທີ 19/4, ຢູ່ບ້ານວັດທະນະທຳທ່ອງທ່ຽວບັນດາຊົນເຜົ່າຫວຽດນາມ, ດົ່ງໂມ, ຮ່າໂນ້ຍ ໄດ້ຈັດງານບຸນເຊີດຊູວັດທະນະທຳບັນດາຊົນເຜ່ົາຫວຽດນາມ. ກ່າວຄຳເຫັນທີ່ງານບຸນນີ້, ທ່ານປະທານສະພາແຫ່ງຊາດຫວຽດນາມ Nguyen Sinh Hung ຢຶນຢັນວ່າ ໃນຕະຫຼອດໄລຍະປະຫວັດສາດແຫ່ງການຕໍ່ສູ້ປົກປັກຮັກສາ ແລະ ສ້າງສາປະເທດຊາດ, 54 ຊົນເຜົ່າອ້າຍນ້ອງຫວຽດນາມ ໄດ້ພ້ອມກັນປະດິດສ້າງ, ເພີ່ມພຸນຄຸນສ້າງພື້ນຖານວັດທະນະທຳຫວຽດນາມ. ເປັນຄຸນຄ່າວັດທະນະທຳທີ່ເປັນມູນເຊື້ອ ແລະ ເຂັ້ມຂົນໄປດ້ວຍສີສັນຫວຽດນາມ ທີ່ເປັນເອກະລັກສະເພາະ. ທ່ານປະທານສະພາແຫ່ງຊາດ ຊີ້ແຈງວ່າ: ຍາມໃດພັກ ແລະ ລັດກໍເອົາໃຈໃສ່ເປັນພິເສດເຖິງນະໂຍບາຍສະເໝີພາບ, ມະຫາສາມັກຄີຂອງບັນດາເຜົ່າ, ເອົາໃຈໃສ່ເບິ່ງແຍງເຖິງການພັດທະນາວັດທະນະທຳຢ່າງສະເໝີຕົ້ນສະເໝີປາຍ. ບັນດາແຜນນະໂຍບາຍພັດທະນາວັດທະນະທຳ ນັບມື້ນັບໄດ້ຮັບການສ້າງສຳເລັດບໍລິບູນເພື່ອແນໃສ່ອະນຸລັກຮັກສາ ແລະ ເສີມຂະຫຍາຍວັດທະນະທຳຂອງຊາດ. ທ່ານເວົ້າວ່າ:
“ພວກຂ້າພະເຈົ້າເຊື່ອໝັ້ນວ່າ: ການເຄື່ອນໄຫວພົບປະແລກປ່ຽນວັດທະນະທຳຊົນເຜົ່າ, ບັນດາທ້ອງຖີ່ນ, ເຂດແຄ້ວນ, ເຊີດຊູສີສັນວັດທະນະທຳບັນດາເຜົ່າຈະປະກອບສ່ວນຢ່າງຕັ້ງໜ້າໃນການອະນຸລັກຮັກສາໂຄສະນາເຜີຍແຜ່ ແລະ ພັດທະນາວັດທະນະທຳຫວຽດນາມ, ເພີ່ມທະວີກຳລັງແຮງກຸ່ມກ້ອນມະຫາສາມັກຄີບັນດາເຜົ່າຫວຽດນາມ ແລະ ສ້າງກຳລັງໜຸນໃຫ້ແກ່ການພັດທະນາປະເທດຊາດໃຫ້ມີຄວາມວັດທະນາຖາວອນ”
ແລະກໍໃນຕອນຄຳ່ວັນທີ 19/4, ຢູ່ນະຄອນ ໂຮ່ຈີມິນ ໄດ້ຈັດຕັ້ງລາຍການສະແດງສິລະປະ ຂ່ຳນັບຮັບຕ້ອນວັນບຸນວັດທະນະທຳບັນດາເຜົ່າຫວຽດນາມ ປີ 2012, ດ້ວຍການເຄື່ອນໄຫວຕ່າງໆ ທີ່ອຸດົມສົມບຸນ, ເຂັ້ມຂົ້ນໄປດ້ວຍສີສັນຂອງບັນດາຊົນເຜົ່າອ້າຍນ້ອງທີ່ດຳລົງຊີວິດ ໃນບໍລິເວນນະຄອນຄື: ເຜົ່າກິ່ງ, ຮວາ, ຈຳ, ຂະແມ...