ແຜນທີ່ຮ່ວາງຊາ-ເຈື່ອງຊາ
(ພາບ:vov5)
(vovworld)- ງານວາງສະແດງແຜນທີ່ ແລະ ເອກະສານ ”ຮ່ວາງຊາ-ເຈື່ອງຊາ ຂອງຫວຽດນາມ-ບັນດາພະຍານຫຼັກຖານປະຫວັດສາດ” ໂດຍກະຊວງຖະແຫຼງຂ່າວ ແລະ ສື່ສານຈັດຕັ້ງຂຶ້ນ ໄດ້ໄຂຂຶ້ນໃນຕອນເຊົ້າວັນທີ 9/7, ຢູ່ຮ່າໂນ້ຍ. ງານວາງສະແດງໄດ້ແນະນຳແຜນທີ່ 150 ແຜ່ນ ແລະ ບັນດາເອກະສານ, ວັດຖຸພັນຂອງບັນດານັກຄົ້ນຄ້ວາ, ນັກຮຽນຮູ້ຫວຽດນາມ ແລະ ສາກົນ. ແຜນທີ່ ແລະ ເອກະສານນຳມາວາງສະແດງຄັ້ງນີ້ ແມ່ນພະຍານຫຼັກຖານດ້ານປະຫວັດສາດ ແລະ ກົດໝາຍພິສູດອະທິປະໄຕຂອງຫວຽດນາມ ທີ່ມີຕໍ່ເຂດໝູ່ເກາະຮ່ວາງຊາ ແລະ ເຈື່ອງຊາ. ສາດສະດາຈານ, ດຣ ຫງວຽນກວາງຫງອກ, ຮອງປະທານສະມາຄົມວິທະຍາສາດປະຫວັດສາດຫວຽດນາມ ຢືນຢັນວ່າ: ບັນດາເອກະສານໃຫ້ເຫັນວ່າ: ນັບແຕ່ສະໄໝສັກດີນາ, ລັດຫວຽດນາມ ໄດ້ກຳນົດ, ປະຕິບັດ ແລະ ປົກປັກຮັກສາອະທິປະໄຕແຫ່ງຊາດຕໍ່ເຂດໝູ່ເກາະຮວ່າງຊາ ແລະ ເຈື່ອງຊາ:
”ນັບແຕ່ຕົ້ນສັດຕະວັດທີ 17 ຈົນຮອດຕົ້ນສັດຕະວັດທີ 20, ອະທິປະໄຕຂອງຫວຽດນາມ ຢູ່ຮ່ວາງຊາ ແລະ ເຈື່ອງຊາ ບໍ່ເຄີຍຖືກປະເທດໃດຄັດຄ້ານ ຫລືພິພາດກັນ. ໃນປະຈຸບັນນີ້, ຫວຽດນາມ ກຳນົດ ແລະ ປະຕິບັດອະທິປະໄຕສຳລັບເຂດໝູ່ເກາະເຈື່ອງຊາ ແລະ ຮ່ວາງຊາໂດຍສັນຕີວິທີ ແລະ ຄົບຖ້ວນ. ເອກະສານຂອງຫວຽດນາມ, ຫຼາຍປະເທດຕາເວັນຕົກ ແລະ ນັບທັງຈີນ ທີ່ພວກຂ້າພະເຈົ້າໄດ້ແນະນຳ ມີຈຸດທີ່ເປັນເອກະພາບກັນ, ເພີ່ມເຕີ່ມໃຫ້ກັນ ເພື່ອໃຫ້ພວກເຮົາເຂົ້າໃຈແຈ້ງກ່ວາກ່ຽວກັບອະທິປະໄຕຂອງຫວຽດນາມ ຢູ່ເຈື່ອງຊາ ແລະ ຮ່ວາງຊາ”.