(vovworld) - ວັນທີ 29/05, ຂ້າຫຼວງໃຫຍ່ສະຫະປະຊາຊາດດ້ານຊາວອົບພະຍົບແຫ່ງ (UNHCR) ໃຫ້ຮູ້ວ່າ, ຊາວອົບພະຍົບກວ່າ 700 ຄົນອາດຈະຖືກເສຍຊີວິດ ຍ້ອນກ່ຳປັ່ນຖືກຈົມນ້ຳຢູ່ທະເລເມດີເຕຣາເນ, ນອກຝັ່ງທະເລ ລີບີ ໃນ 2 – 3 ວັນມໍ່ໆມານີ້. ຕາມໂຄສົກຂອງ UNHCR ທ່ານ Carlotta Sami ແລ້ວ, ຄາດວ່າອາດຈະມີຊາວອົບພະຍົບ 700 ຄົນເສຍຊີວິດໃນເຫດກ່ຳປັ່ນຖືກຈົນນຳ້ 3 ຄັ້ງ ໃນອາທິດຜ່ານມາ, ໃນນັ້ນມີປະມານ 500 ຄົນຖືກເສຍຊີວິດ ເມື່ອກ່ຳປັ່ນຫາປາທີ່ຂົນສົ່ງເຂົາເຈົ້າຖືກຈົມນ້ຳໃນຕອນເຊົ້າວັນທີ 26/05, ພາຍຫຼັງເດີນທາງອອກຈາກທ່າກ່ຳປັ່ນແຫ່ງໜຶ່ງຂອງລີບີ ກ່ອນນັ້ນໜຶ່ງວັນ. ກ່ຳປັ່ນລຳນີ້ຂົນສົ່ງປະມານ 670 ຄົນ, ໃນນັ້ນຜູ້ລອດຕາຍມີພຽງ 25 ຄົນ, ສ່ວນ 79 ຄົນອື່ນແມ່ນໄດ້ຮັບການກູ້ເອົາຊີວິດ ແລະ ໄດ້ຊອກເຫັນຊາກສົບຄົນຕາຍ 15 ຄົນ.