(vovworld) - ວັນທີ 20/09, ຢູ່ນະຄອນໂຮ່ຈິມິນ, ລາຍການກະທຳເພື່ອບັນດາຄາດໝາຍພັດທະນາແບບຍືນຍົງຂອງສະຫະປະຊາຊາດ, ລາຍການພັດທະນາຊາວໜຸ່ມຂອງທະນາຄານພັດທະນາອາຊີ ໄດ້ສົມທົບກັບບໍລິສັດ SEA Media ຈຳກັດ ແລະ ສູນສື່ສານສັງຄົມ ແລະ ປະຊາຄົມຈັດຕັ້ງກອງປະຊຸມສຳມະນາ “ລາຍການກະທຳເພື່ອ 17 ຄາດໝາຍພັດທະນາແບບຍືນຍົງຂອງສະຫະປະຊາຊາດໄລຍະ 2016 - 2030” ດ້ວຍຫົວຂໍ້ “ຂໍ້ລິເລີມພັດທະນາແບບຍືນຍົງ”. ກອງປະຊຸມເພື່ອແນໃສ່ຈຸດປະສົງຍົກສູງຄວາມຮັບຮູ້ກ່ຽວກັບ 17 ຄາດໝາຍພັດທະນາແບບຍືນຍົງຂອງສະຫະປະຊາຊາດໄລຍະ 2016 – 2030; ພ້ອມທັງເນັ້ນໜັກ ແລະ ຊຸກຍູ້ລາຍການກະທຳຂອງຄາດໝາຍພັດທະນາແບບຍືນຍົງໃນທ່າອ່ຽງໂລກາພິວັດ. ຄາດໝາຍພັດທະນາແບບຍືນຍົງໄດ້ສຸມໃສ່ເຂົ້າບັນດາມາດຕະຖານກ່ຽວກັບການຢຸດຕິຄວາມອຶດຫິວ, ທຸກຍາກ; ປັບປຸງການສຶກສາ; ປົກປັກຮັກສາສິ່ງແວດລ້ອມ, ການທ່ອງທ່ຽວທະເລ… ເພື່ອປະຕິບັດບັນດາຄາດໝາຍພັດທະນາແບບຍືນຍົງຢ່າງມີປະສິດທິຜົນ, ແທດຈິງ, ຢູ່ຫວຽດນາມ ບັນດາຜູ້ແທນໄດ້ຢືນຢັນບົດບາດຂອງບັນດາຂໍ້ລິເລີມກ່ຽວກັບທ່າອ່ຽງພັດທະນາແບບຍືນຍົງ ແມ່ນບັ້ນເຄື່ອນໄຫວນຳໜ້າ, ປະກອບສ່ວນຍົກສູງຄວາມຮັບຜິດຊອບຕໍ່ສັງຄົມຂອງລັດຖະບານ, ວິສາຫະກິດ ແລະ ປະຊາຄົມ ເພື່ອນຳມາເຊິ່ງຄຸນຄ່າຍືນຍົງໃນການພັດທະນາເສດຖະກິດ, ສັງຄົມຕາມທ່າອ່ຽງໃໝ່.