(vovworld) – ທະນາຄານໂລກ (WB) ຫາກໍ່ໃຫ້ຄຳໝັ້ນສັນຍາໜູນຊ່ວຍ ຫວຽດນາມ ວາງແຜນກຳນົດ ແລະ ປະຕິບັດບັນດານະໂຍບາຍກ່ຽວກັບການປົກປັກຮັກສາສິ່ງແວດລ້ອມ ເພື່ອຫລຸດຜ່ອນຜົນສະທ້ອນຂອງການປ່ຽນແປງດິນຝ້າອາກາດ. ນີ້ແມ່ນໝາກຜົນຂອງການເຮັດວຽກລະຫວ່າງ ລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ ຫງວຽນມິງກວາງ ແລະ ຮອງປະທານ WB ທ່ານ Rachel Kyte, ຢູ່ນະຄອນຫຼວງ ວໍຊີຕັນ ດີຊີ ເມື່ອວັນທີ 28/2.
ຕາມນັ້ນແລ້ວ, WB ໃຫ້ຄຳໝັ້ນສັນຍາໜູນຊ່ວຍ ຫວຽດນາມ ກໍ່ສ້າງ ແລະ ຜັນຂະຫຍາຍບັນດາເອກະສານແນະນຳການປະຕິບັດເນື້ອໃນກ່ຽວກັບການປ່ຽນແປງຂອງດິນຟ້າອາກາດໃນກົດໝາຍວ່າດ້ວຍການປົກປັກຮັກສາສິ່ງແວດລ້ອມ. ທະນາຄານໂລກຈະໜູນຊ່ວຍ ຫວຽດນາມ ເຂົ້າຮ່ວມລາຍການຂອງກອງທຶນ ກາກບອນ ຊີວະພາບ ເພື່ອແນໃສ່ຫລຸດຜ່ອນສິ່ງເສດເຫຼືອຈາກການນຳໃຊ້ທີ່ດິນ ແລະ ນຳບັນຫາປ່ຽນແປງຂອງດິນຟ້າອາກາດເຂົ້າໃນແຜນກຳນົດນຳໃຊ້ທີ່ດິນຢູ່ ຫວຽດນາມ.
ຜູ້ຕາງໜ້າທະນາຄານໂລກ ເຫັນດີເປັນເອກະສັນໜູນຊ່ວຍ ຫວຽດນາມ ສ້າງນະໂຍບາຍດຶງດູດການລົງທຶນໃຫ້ບັນດາໂຄງການນຳໃຊ້ພະລັງງານສະອາດ, ພິຈາລະນາຂໍ້ສະເໜີຂອງ ຫວຽດນາມ ໃນການໜູນຊ່ວຍທຶນກູ້ຢືມບຸລິມະສິດໃຫ້ບັນດາໂຄງການຮັບມືກັບການປ່ຽນແປງຂອງດິນຟ້າອາກາດຢ່າງຮີບດ່ວນ....