ທ່ານນາງຮອງປະທານປະເທດຫງວຽນທິຢວານພົບປະກັບເຈົ້າແຂວງໆວຽງຈັນ
ທ່ານນາງຮອງປະທານປະເທດ ຫງວຽນທິຢວານພົບປະກັບ
ການນຳແຂວງວຽງຈັນ
|
(vovworld)- ໃນຂອບເຂດການຢ້ຽມຢາມ ສປປ ລາວ ຢ່າງເປັນທາງການ, ວັນທີ 17/10, ທ່ານນາງຮອງປະທານປະເທດ ຫງວຽນທິຢວານ ໄດ້ໄປຢ້ຽມຢາມ ແຂວງວຽງຈັນ. ທ່ານນາງ ຮອງປະທານປະເທດ ຫງວຽນທິຢວານ ໄດ້ມີການພົບປະກັບ ທ່ານ ວິດົງ ໄຊຍະສອນ, ເລຂາພັກ, ເຈົ້າແຂວງໆວຽງຈັນ. ທ່ານນາງຮອງປະທານປະເທດ ຫງວຽນທິຢວານ ຕີລາຄາສູງ ແລະ ຂອບອົກຂອບໃຈອົງຄະນະພັກ, ອຳນາດການປົກຄອງແຂວງ ວຽງຈັນ ໃນໄລຍະຜ່ານມາ ໄດ້ສ້າງເງື່ອນໄຂສະດວກໃຫ້ພໍ່ແມ່ຊາວຫວຽດນາມ, ວິສາຫະກິດຫວຽດນາມ ພວມດຳລົງຊີວິດ ແລະ ເຮັດທຸລະກິດຢູ່ລາວ. ທ່ານນາງຮອງປະທານປະເທດ ຫງວຽນທິຢວານ ສະເຫນີ ອົງຄະນະພັກ ແລະ ອຳນາດການປົກຄອງ ແຂວງ ວຽງຈັນ ສືບຕໍ່ເພີ່ມທະວີການໂຄສະນາ, ສຶກສາໃຫ້ປະຊາຊົນກ່ຽວກັບມູນເຊື້ອການພົວພັນລະຫວ່າງຫວຽດນາມ - ລາວ ແລະ ຍົກສູງປະສິດທິຜົນການພົວພັນຮ່ວມມືລະຫວ່າງ ແຂວງວຽງຈັນ ກັບບັນດາແຂວງ, ນະຄອນ ຂອງຫວຽດນາມ. ຕອນບ່າຍວັນດຽວກັນ, ທ່ານນາງ ຮອງປະທານປະເທດ ຫງວຽນທິຢວານ ໄດ້ໄປຢ້ຽມຢາມສະຖານທູດ ຫວຽດນາມ ປະຈຳລາວ ແລະ ໂອ້ລົມກັບປະຊາຄົມຊາວຫວຽດນາມ ຢູ່ ນະຄອນຫລວງ ວຽງຈັນ.