(ທ່ານປະທານປະເທດຈີນ
ສີຈິ້ນຜິງ)
(vovworld) - ຕອນເຊົ້າວັນທີ 22/03, ທ່ານປະທານປະເທດຈີນ ສີຈິ້ນຜິງ ໄດ້ເດີນທາງອອກຈາກນະຄອນຫຼວງປັກກິງ ໄປຢ້ຽມຢາມ 4 ປະເທດຢ່າງເປັນທາງການ ເຊິ່ງລວມມີ ສະຫະພັນລັດເຊຍ, ຕາຢາລີອາ, ອາຟະລິກາໃຕ້ ແລະ ສ.ກົງໂກ. ນີ້ແມ່ນການຢ້ຽມຢາມຕ່າງປະເທດເປັນຄັ້ງທຳອິດຂອງທ່ານ ສີຈິ້ນຜິງ ນັບແຕ່ເມື່ອໄດ້ຮັບດຳລົງຕຳແໜ່ງສູງສຸດໃນພັກ, ກອງທັບ ແລະ ລັດຈີນ. ໃນການຢ້ຽມຢາມ, ທ່ານ ສີຈິ້ນຜິງ ຈະເຂົ້າຮ່ວມກອງປະຊຸມສຸດຍອດກຸ່ມ BRICS (ເຊິ່ງລວມມີບັນດາພື້ນຖານເສດຖະກິດຫາກໍພົ້ນເດັ່ນອັນດັບໜຶ່ງຂອງໂລກແມ່ນ ບຣາຊິວ, ລັດເຊຍ, ຈີນ, ອິນເດຍ ແລະ ອາຟລິກາໃຕ້), ເຊິ່ງຈະດຳເນີນໄປຢູ່ Durban, ອາຟລະກາໃຕ້ ໃນລະຫວ່າງວັນທີ 26 – 27/03.
ກ່ອນການຢ້ຽມຢາມ, ວັນທີ 21/03, ຕອບສຳພາດຕໍ່ສຳນັກຂ່າວສານ Itartass ຂອງລັດເຊຍ, ທ່ານປະທານາທິບໍດີ Putin ຢືນຢັນວ່າ ການພົວພັນລະຫວ່າງລັດເຊຍ - ຈີນ ໄດ້ຮັບການປັບປຸງ, ເພີ່ມທະວີຢ່າງບໍ່ຢຸດຢັ້ງ ແລະ ພວມຢູ່ໃນໄລຍະດີທີ່ສຸດໃນປະຫວັດແຫ່ງການພົວພັນ 2 ຝ່າຍ ທີ່ມີມາໃນຫຼາຍສະຕິວັດແລ້ວ. ເພາະສະນັ້ນ, ການຢ້ຽມຢາມລັດເຊຍ ຂອງທ່ານ ສີຈິ້ນຜິງ ຈະເປັນການປັບປຸງການພົວພັນຄູ່ຮ່ວມມືຍຸດທະສາດລະຫວ່າງ 2 ປະເທດ.