ທ່ານຮອງນາຍົກລັດຖະມົນຕີ Vu Van Ninh ຂີ້ນຳກອງປະຊຸມ
( ພາບ: vnexpress.net )
( vovworld ) – ຕອນເຊົ້າວັນທີ 23/4, ຄະນະປະຕິບັດງານລັດຖະບານຫວຽດນາມ ໂດຍທ່ານຮອງນາຍົກລັດຖະມົນຕີ Vu Van Ninh ນຳໜ້າ ໄດ້ມີການເຮັດວຽກກັບນະຄອນ ໂຮ່ຈິມິນ ກ່ຽວກັບບັນດາມາດຕະການຊຸກຍູ້ການຜະລິດດຳເນີນທຸລິກິດຂອງວິສາຫະກິດຕ່າງໆໃນບໍລິເວນນະຄອນ. ກ່າວຄຳເຫັນທີ່ການເຮັດວຽກ, ທ່ານຮອງນາຍົກລັດຖະມົນຕີ Vu Van Ninh ໄດ້ຢືນຢັນວ່າ; ເປົ້າໝາຍສຳຄັນທີ່ສຸດຂອງນະຄອນກໍຄືຂອງທົ່ວປະເທດ ແມ່ນຄວບຄຸມໄພເງິນເຟີ້, ຮັກສາເສດຖະກິດມະຫາພາກເປັນປົກກະຕິ ແລະ ຮັບປະກັນຊີວິດສັງຄົມຕິດພັນກັບການໂຄງປະກອບພື້ນຖານເສດຖະກິດ ແລະ ສ້າງໂຄງປະກອບບາງຂົງເຂດທີ່ສຳຄັນຄືນໃໝ່, ເປັນພື້ນຖານໃຫ້ແກ່ການພັດທະນາຢ່າງວ່ອງໄວ ແລະ ໝັ້ນຄົງ. ເຖິງວ່າເສດຖະກິດຍັງປະສົບກັບຄວາມຫຍຸ້ງຍາກກໍຕາມ, ແຕ່ໝາກຜົນໄລ່ມາຮອດທ້າຍງວດທີ 1 ຊີ້ໃຫ້ເຫັນວ່າ ການບໍລິຫານຂອງລັດຖະບານໄດ້ກ້າວເດີ່ນຢ່າງຖືກທິດ, ເສດຖະກິດມະຫາພາກເລີ່ມມີສັນຍານທີ່ເປັນປົກກະຕິກວ່າ, ເງິນຕາ, ອັດດອກເບ້ຍ, ອັດຕາແລກປ່ຽນເງິນຕາຕ່າງປະເທດ, ໄພເງິນເຟີ້, ສິນເຊື່ອການຈະເລີນເຕີບໂຕແມ່ນຢູ່ໃນລະດັບທີ່ຄວບຄຸມໄດ້. ທ່ານຮອງນາຍົກລັດຖະມົນຕີ Vu Van Ninh ກ່າວວ່າ.
“ ທິດທາງຂອງພວກເຮົາແມ່ນຕັ້ງໝັ້ນຕໍ່ເປົ້າໝາຍນີ້. ຕ້ອງມີຄວາມລະມັດລະວັງໃນການຕີລາຄາເພື່ອວາງອອກບັນດາມາດຕະການໃຫ້ເໝາະສົມ ແລະ ກໍຄວນຖືການຄວບຄຸບໄພເງິນເຟີ້ແມ່ນໜ້າທີ່ອັນດັບໜື່ງ, ເຖິງວ່າໄພເງິນເຟີ້ຄວບຄຸມໄດ້ຄືແນວນັ້ນ ແຕ່ບໍ່ຄວນເຜີຕົວ. ທີ່ສອງແມ່ນ ຄວນແກ້ໄຂສິ່ງທີ່ຂຶ້ນໃໝ່ ແລະ ສ້າງເງື່ອນໄຂເພື່ອແກ້ໄຂບັນຫາຢ່າງກົມກຽວລະຫວ່າງການຄວບຄຸມໄພເງິນເຟີ້ຮັບປະກັນເສດຖະກິດມະຫາພາກເປັນປົກກະຕິ ແລະ ການຈະເລີນເຕີບໂຕໃນລະດັບທີ່ເໝາະສົມ. ສະນັ້ນຄວນມີການຊີ້ນຳຢ່າງມີໄຫວພິບເພື່ອສາມາດແກ້ໄຂບັນຫາຕົນຕໍ ແລະ ແກ້ໄຂຄວາມຫຍຸ້ງຍາກໃຫ້ແກ່ການຜະລິດດຳເນີນທຸລະກິດ”.