ປະທານປະເທດ Truong Tan Sang ເຮັດວຽກກັບສະມາຄົມນັກຮົບເກົ່າ ຫວຽດນາມ
(ພາບ:truongtansang.net)
( vovworld ) – ຕອນເຊົ້າວັນທີ 18/4, ທ່ານປະທານປະເທດ Truong Tan Sang ໄດ້ໄປຢ້ຽມຢາມ ແລະ ເຮັດວຽກກັບສະມາຄົມນັກຮົບເກົ່າ ຫວຽດນາມ. ໃນ 20 ປີທີ່ຜ່ານມາ, ຍາມໃດ, ສະມາຄົມນັກຮົບເກົ່າ ຫວຽດນາມ ກໍໄດ້ເປີດກ້ວາງອົງການຈັດຕັ້ງ ແລະ ພັດທະນາຢູ່ທຸກເຂດພາກຂອງປະເທດຊາດ. ທົ່ວສະມາຄົມຂະຫຍາຍໄດ້ສະມາຊິກກ່ວາ 3.600.000 ຄົນ. ຂະບວນການນັກຮົບເກົ່າໄດ້ຊ່ວຍເຫຼືອກັນຫລຸດພົ້ນອອກຈາກຄວາມທຸກຍາກ, ຍົກສູງຊີວິດການເປັນຢູ່, ປຸກລະດົມໃຈນັກຮົບເກົ່າສ້າງຄວາມຮັ່ງມີຢ່າງເປັນທຳ, ປະກອບສ່ວນພັດທະນາເສດຖະກິດສັງຄົມ. ພາຍຫຼັງໄດ້ຮັບຟັງຄຳເຫັນຂອງບັນດານັກຮົບເກົ່າ ຊື່ງປາດຖະໜາຢາກໃຫ້ການນຳພັກ, ລັດເອົາໃຈໃສ່ຊີ້ນຳ ສົມທົບການພັດທະນາເສດຖະກິດ ກັບການຮັບປະກັນການປ້ອງກັນຊາດຢູ່ບັນດາບໍລິເວນຈຸດສຸມ, ປະຕິບັດການກໍ່ສ້າງລັດແຫ່ງອຳນາດນິຕິບັນຍັດປອດໃສໝັ້ນຄົງເຂັ້ມແຂງ, ນຳມະຕິສູນກາງພັກຄັ້ງທີ 4 ເຂົ້າສູ່ຊີວິດ. ທ່ານປະທານປະເທດ Truong Tan Sang ເນັ້ນໜັກວ່າ: “ການສ້າງຕັ້ງສະມາຄົມນັກຮົບເກົ່າແມ່ນຄວາມ ຕັດສິນໃຈທີ່ສຳຄັນ ຖືກຕ້ອງ. ບັນດາຜົນງານທີ່ສະມາຄົມບັນລຸໄດ້ ລ້ວນແຕ່ໄດ້ຮັບການຕີລາຄາສູງຈາກທົ່ວປວງຊົນ ແລະ ຮາກຖານ. ອົງຄະນະພັກ, ອຳນາດການປົກຄອງໄດ້ມອບໝາຍບັນດາໜ້າທີ່ທີ່ຫຍຸ້ງຍາກໃຫ້ແກ່ສະມາຄົມ ແລະ. ອາດເວົ້າໄດ້ວ່າສະມາຄົມນັກຮົບເກົ່າແມ່ນອົງການທີ່ໜ້າໄວ້ເນື້ອ ເຊື່ອໃຈຂອງອົງຄະນະພັກ, ອຳນາດການປົກຄອງຂັ້ນຕ່າງໆ ແລະ ຂອງປະຊາຊົນໃນທົ່ວປະເທດ“