(ປະທານສານປະຊາຊົນສູງສຸດຕ້ອນຮັບ
ລັດຖະມົນຕີກະຊວງຍຸດຕິທຳສະຫະພັນລັດເຊຍ)
(vovworld) – ທີ່ການຕ້ອນຮັບທ່ານ Konovalov A.V, ລັດຖະມົນຕີວ່າການກະຊວງຍຸຕິທຳແຫ່ງສະຫະພັນລັດເຊຍ ໃນຕອນເຊົ້າວັນທີ 20/11, ເນື່ອງໃນໂອກາດທ່ານມາຢ້ຽມຢາມ ແລະ ເຮັດວຽກຢູ່ຫວຽດນາມ ໃນລະຫວ່າງວັນທີ 19 – 21/11, ທ່ານ ເຈືອງຮ່ວາບິ່ງ, ປະທານສານປະຊາຊົນສູງສຸດຫວຽດນາມ ເນັ້ນໜັກວ່າ: ປະຈຸບັນ, ຫວຽດນາມ ແລະ ສະຫະພັນລັດເຊຍ ໄດ້ສ້າງສາຍພົວພັນຄູ່ຮ່ວມມືຍຸດທະສາດຮອບດ້ານ, ໃນນັ້ນມີຂົງເຂດຍຸຕິທຳ ທີ່ພວມພັດທະນາຢ່າງແຮງ ແລະ ເຂົ້າສູ່ລວງເລິກ. ທ່ານ ເຈືອງຮ່ວາບິ່ງ ປາດຖະໜາຢາກຮັດແໜ້ນການພົວພັນມິດຕະພາບທີ່ມີມາແຕ່ດົນນານລະຫວ່າງລັດຖະບານ ແລະ ປະຊາຊົນ 2 ປະເທດ; ພ້ອມທັງປາດຖະໜາວ່າ ສະຫະພັນລັດເຊຍ ຈະສະໜັບສະໜູນຫວຽດນາມ ບົນເວທີສາກົນ.
ສ່ວນທ່ານ Konovalov A.V ໃຫ້ຮູ້ວ່າ, ໃນຊຸມປີຜ່ານມາ, ສະຫະພັນລັດເຊຍ ໄດ້ມີການປ່ຽນໃໝ່ຫຼາຍຢ່າງໃນການປະຕິຮູບຕຸລາການ, ໃນນັ້ນມີຂົງເຂດສານ. ສະນັ້ນ, ສະຫະພັນລັດເຊຍ ພ້ອມແລ້ວທີ່ຈະແບ່ງປັນບົດຮຽນ, ສະໜອງເອກະສານໃຫ້ຫວຽດນາມ ໃນຂົງເຂດກົດໝາຍ ແລະ ຍຸຕິທຳ, ໂດຍສະເພາະແມ່ນກ່ຽວຂ້ອງເຖິງປະມວນກົດໝາຍແພ່ງ ແລະ ກົດໝາຍວ່າດ້ວຍການດຳເນີນຄະດີແພ່ງ.