ຕາມແຈ້ງການຂອງກະຊວງພາຍໃນ ຝຣັ່ງ ເມື່ອຕອນເຊົ້າວັນທີ 12 ມິຖຸນາ ແລ້ວ, ພັກ REM ແລະ ພັນທະມິດ ແມ່ນພັກກາງຂວາຂະບວນການປະຊາທິປະໄຕ (MoDem) ຍາດໄດ້ຈຳນວນບັດສະໜັບສະໜູນລື່ນກາຍຝ່າຍຂວາເຖິງ 21,56% ແລະ ລື່ນກາຍພັກຝ່າຍຂວາແນວໂຮມຊົນຊາດ (FN) ຂອງທ່ານນາງ Marine Le Pen 13,2%. ອັດຕາຜູ້ມີສິດເລືອກຕັ້ງໄປປ່ອນບັດຢູ່ໃນລະດັບຕ່ຳສະຖິຕິ, ມີພຽງປະມານ 49% ເທົ່ານັ້ນ. ຕາມວົງການນັກໄຈ້ແຍກແລ້ວ, ດ້ວຍຈຳນວນບັດສ່ວນຫຼາຍທີ່ຍາດໄດ້ໃນຮອບທີ 1, ພັກ REM ພ້ອມກັບພັນທະມິດແມ່ນພັກ MoDem ອາດຈະຍາດໄດ້ແຕ່ 400 – 445 ທີ່ນັ່ງ ໃນຍອດຈຳນວນ 577 ທີ່ນັ່ງໃນສະພາຕ່ຳຢູ່ທີ່ຮອບເລືອກຕັ້ງທີ 2 ເຊິ່ງຈະຈັດຕັ້ງໃນວັນທີ 18 ມິຖຸນາ ຈະມາເຖິງ. ນີ້ອາດຈະແມ່ນການສະໜັບສະໜູນໃຫຍ່ສຸດເຊິ່ງປະທານາທິບໍດີ ຝຣັ່ງ ຍາດໄດ້ໃນຕະຫຼອດ 60 ປີຜ່ານມາ.