ພິທີເປີດສະຫຼອງສະຖານກົງສູນໃຫຍ່ຮຸງກາຣີປະຈຳນະຄອນໂຮ່ຈີມິນ
ພິທີເປີດສະຫຼອງສະຖານກົງສູນໃຫຍ່
ຮຸງກາຣີ ປະຈຳນະຄອນໂຮ່ຈີມິນ
(ພາບ: LeQuan)
(vovworld) - ລັດຖະບານ ຮຸງກາຣີ ພວມປະຕິບັດນະໂຍບາຍມຸ່ງໄປສູ່ທິດຕາເວັນອອກ ແລະ ປາດຖະໜາຢາກສ້າງການພົວພັນຍຸດທະສາດກັບບັນດາປະເທດອາຊີຕາເວັນອອກສ່ຽງໃຕ້. ນີ້ແມ່ນ ຄຳຢືນຢັນຂອງທ່ານ Szijjarto Peter ລັດຖະມົນຕີວ່າການກະຊວງການຕ່າງປະເທດ ແລະ ເສດຖະກິດກັບການຕ່າງປະເທດ ຮຸງກາຣີ ໃນວັນທີ 13/01 ເມື່ອເຂົ້າຮ່ວມພິທີເປີດສະຫຼອງສະຖານກົງສູນໃຫຍ່ ຮຸງກາຣີ ປະຈຳ ນະຄອນໂຮ່ຈີມິນ. ທ່ານເນັ້ນໜັກວ່າ ຮຸງກາຣີ ຖືເປັນສຳຄັນການພົວພັນລະຫວ່າງ ຫວຽດນາມ - ຮຸງກາຣີ ແລະ ປາດຖະໜາຢາກເປັນເສົາຄ້ຳໃນການພົວພັນລະຫວ່າງສະຫະພາບ ເອີລົບ ແລະ ອາຊຽນ. ຮຸງກາຣີ ຕີລາຄາສູງບັນດາຜົນງາມ ຊຶ່ງນະຄອນໂຮ່ຈີມິນ ບັນລຸໄດ້ໃນວິວັດແຫ່ງການພັດທະນາ ແລະ ຖືວ່າ ນີ້ແມ່ນສູນເສດຖະກິດ, ການເງິນ, ເຕັກໂນໂລຢີ ບໍ່ພຽງແຕ່ຢູ່ ຫວຽດນາມ ເທົ່ານັ້ນ ຫາກຍັງຂອງທັງພາກພື້ນອາຊີຕາເວັນອອກສ່ຽງໃຕ້ອີກດ້ວຍ. ຍ້ອນເຫດນັ້ນ, ເລື່ອງເປີດສະຖານກົງສູນໃຫຍ່ຄືນໃໝ່ໃນຄັ້ງນີ້ແມ່ນສິ່ງທີ່ຈຳເປັນ. ຕາມທ່ານ Szijjarto Peter ແລ້ວ, ໜ້າທີ່ສຳຄັນແຖວໜ້າຂອງສະຖານກົງສູນໃຫຍ່ແມ່ນຊ່ວຍເຫຼືອບັນດາວິສາຫະກິດ ຮຸງກາຣີ ຊຸກຍູ້ການພົວພັນດ້ານການຄ້າລະຫວ່າງ ຫວຽດນາມ ແລະ ຮຸງກາຣີ. ນອກນັ້ນ, ສະຖານກົງສູນໃຫຍ່ກໍ່ຈະຊ່ວຍເຫຼືອໃນການເຊື່ອມຕໍ່ວິສາຫະກິດ 2 ປະເທດຮ່ວມມືເຊິ່ງກັນ ແລະ ກັນ.