(vovworld) - ຕອນບ່າຍວັນທີ 21/01, ໃນການຢ້ຽມຢາມ ແລະ ມອບຂອງຂວັນບຸນປີໃໝ່ຢູ່ສູນອຸປະກະລະເດັກ ຕາມບິ່ງ (ເມືອງຖຸດຶກ, ນະຄອນໂຮ່ຈິມິນ), ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ໄດ້ຍ້ອງຍໍຄວາມສຸດຈິດສຸດໃຈ ກໍ່ຄືນ້ຳໃຈຂອງບັນດາພະນັກງານ, ພາລະກອນ ສູນອຸປະກະລະເດັກໃນຊຸມປີຜ່ານມາ. ທ່ານ ຫງວຽນທ້ຽນເຍີນ ປາດຖະໜາວ່າ ສູນອຸປະກະລະເດັກ ຕາມບິ່ງ ຕ້ອງມີລາຍການແນະນຳໃຫ້ພວກຫຼານຮຽນທັກສະດຳລົງຊີວິດຕົວຈິງ, ເພື່ອໃຫ້ພວກຫຼານມີຄວາມສາມາດຢ່າງພຽງພໍ ເພື່ອເຊື່ອມໂຍງເຂົ້າກັບສັງຄົມ. ຄຽງຂ້າງນັ້ນ, ສູນຕ້ອງລົງທຶນຫຼາຍກວ່າອີກ ເພື່ອໃຫ້ບັນດາພວກຫຼານມີການດຳລົງຊີວິດທີ່ດີ ແລະ ໄດ້ຮັບຜົນສຳເລັດໃນສັງຄົມ.
ມີຈຳນວນເງິນເກືອບ 1,5 ຕື້ດົງ ໂດຍວິສາຫະກິດ, ອົງການຈັດຕັ້ງ, ບຸກຄົນ ແລະ ບັນດາອົງການ, ຄະນະ, ຂະແໜງການຢູ່ແຂວງລາວກາຍ ບໍລິຈາກ ສະໜັບສະໜູນປະຊາຊົມທີ່ທຸກຍາກເພື່ອຕ້ອນຮັບບຸນປີໃໝ່ ປີມະເມຍ 2014. ປີນີ້ ແຂວງ ລາວກາຍ ໄດ້ມີການເຄື່ອນໄຫວກຸສົນຫຼາຍຢ່າງ ເພື່ອໜູນຊ່ວຍໃຫ້ຜູ້ຄົນທຸກຍາກ, ຄອບຄົວນະໂຍບາຍ, ຜູ້ມີຄຸນງາມຄວາມດີຕໍ່ປະເທດຊາດ, ພິເສດແມ່ນລາຍການບຸນປີໃໝ່ປີມະເມຍ 2014 “ເພື່ອຄົນທຸກຍາກ”.
ເນື່ອງໃນໂອກາດນີ້, ຄະນະພັກແຂວງ, ສະພາປະຊາຊົນ, ຄະນະກຳມະການປະຊາຊົນແຂວງອານຢາງ ໄດ້ຈັດ 8 ຄະນະໄປຢ້ຽມຢາມ, ມອບຂອງຂວັນອວຍພອນປີໃໝ່ບັນດາກົມກອງທະຫານ, ໂຮງໝໍ... ໃນບໍລິເວນແຂວງ.
ທີ່ແຂວງກວາງບິ່ງ, ຄະນະປະຈຳຊາວໜຸ່ມແຂວງກວາງບິ່ງ ໄດ້ມອບຂອງຂວັນ 70 ພູດ ໃຫ້ແກ່ບັນດາໄວໜຸ່ມເຍົາວະຊົນກຳພ້າ ແລະ ບັນດານັກຮຽນຊົນເຜົ່າ ແລະ ບັນດາຄອບຄົວທະຫານເສຍອົງຄະ, ນັກຮົບທີ່ເສຍສະຫຼະຊີວິດເພື່ອຊາດ, ອະດີດຊາວໜຸ່ມຕະລຸມບອນ...
ເນື່ອງໃນໂອກາດນີ້ ສະຫະພັນແຮງງານແຂວງ ເຮົ້າຢາງ ໄດ້ຈັດພິທີພົບປະສ້າງສັນກັບກຳມະກອນເພື່ອຕ້ອນຮັບບຸນປີໃໝ່ ແລະ ມອບຂອງຂວັນ 3.000 ພູດ ໃຫ້ແກ່ພະນັກງານ, ພາລະກອນ, ລັດຖະກອນ, ຄົນງານທີ່ທຸກຍາກ ເພື່ອຕ້ອນຮັບບຸນປີໃໝ່ ປີມະເມຍ 2014.