(ພາບປະກອບ)
(vovworld) - ວັນທີ 17/02, ລີບີ ຈະສະເຫຼີມສະຫຼອງ 2 ປີແຫ່ງວັນທ່ານ Gaddafi ຖືກໂຄນລົ້ມ. ຄາດວ່າພິທີສະເຫຼີມສະຫຼອງຈະເລີ່ນດຳເນີນໃນວັນທີ 15/02 ເພາະສະນັ້ນ ຄວາມປອດໄພໄດ້ຮັບການຮັດແໜ້ນຢູ່ຫຼາຍນະຄອນຢູ່ລິບີ ໃນຊຸມວັນນີ້. ກ່ອນທີ່ຈັດພິທີ່ສະເຫຼີມສະຫຼອງ, ຄວາມປອດໄພຢູ່ Tripoli ແລະ Benghzi ໄດ້ເພີ່ມຂຶ້ນໃນອາທິດຜ່ານມາດ ດ້ວຍສະຖານທີ່ກວດກາມີການສົມທົບກັນລະຫວ່າງຕຳຫຼວດ ແລະ ທະຫານ ໄດ້ສ້າງຂຶ້ນຢູ່ບັນດາເສັ້ນທາງຫຼວງຢູ່ 2 ນະຄອນນີ້. ຄວາມປອດໄພແມ່ນບັນຫາໄດ້ຮັບຄວາມເອົາໃຈໃສ່ເປັນພິເສດຢູ່ບັນດາເຂດທາງທິດຕາເວັນອອກ ລີບີ ສະຖານທີ່ ທີ່ເກີດການໃຊ້ຄວາມຮຸນແຮງຕ້ານຄົນຕ່າງປະເທດ ແລະ ບັນດາການລອບສັງຫານຕຳຫຼວດໂດຍບັນດາກຸ່ມກຳລັງປະກອບອາວຸດປະຕິບັດ. ກ່ອນໜ້ານັ້ນ, ທ່ານນາຍົກລັດຖະມົນຕີ ລີບີ Ali Zaidan ໃຫ້ຮູ້ວ່າ ລັດຖະບານຂອງທ່ານໄດ້ຕົກລົງປິດປະຕູດານຊາຍແດນ ລີບີ ທີ່ຕິດກັບບັນດາປະເທດ Tuynidi ແລະ ອີຍີບ ຍ້ອງມີຄວາມວິຕົກກັງວົນກ່ຽວກັບຄວາມປອດໄພກ່ອນທີ່ດຳເນີນພິທີສະເຫຼີມສະຫຼອງ 2 ປີແຫ່ງວັນທ່ານ Gaddafi ຖືກໂຄນລົ້ມ. ຕາມນັ້ນແລ້ວ, ບັນດາເສັ້ນຊາຍແດນນີ້ ຈະປິດປະຕູໂດຍຊົ່ວແຕ່ວັນທີ 14 ຫາ 18/02. ເລື່ອງປິດປະຕູດານຊາຍແດນ ແມ່ນໜຶ່ງໃນບັນດາມາດຕະການເພື່ອປ້ອງກັນ ແລະ ກີດຂວາງການທຳລາຍຂອງພະລະກອນລະບອບເກົ່າ ຫຼືບັນດາຜູ້ທີ່ບໍ່ຢາກໃຫ້ລີບີ ມີຄວາມປອດໄພ ແລະ ສະຖຽນລະພາບ. ນອກຈາກນັ້ນ, ເລື່ອງແຈ້ງເຂົ້າເມືອງຂອງແຂກທ່ອງທ່ຽວຜ່ານບັນດາສະໜາມບິ່ນ Tripoli ແລະ Benghzi ກໍຖືກຈຳກັດ.