ສືບຕໍ່ສ້າງນະໂຍບາຍທີ່ມີຕໍ່ຜູ້ມີຄຸນງາມຄວາມດີໃຫ້ສົມບຸນແບບ
(ພາບປະກອບ)
(vovworld) - ຕອນເຊົ້າວັນທີ 19 ຕຸລາ, ຢູ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ໄດ້ເປັນປະທານກອງປະຊຸມກ່ຽວກັບໂຄງການສົມທົບ ກວດກາຄືນການປະຕິບັດນະໂຍບາຍທີ່ມີຕໍ່ຜູ້ມີຄຸນງາມຄວາມດີຕໍ່ການປະຕິວັດ.
ທີ່ກອງປະຊຸມ, ທ່ານຮອງນາຍົກລັດຖະມົນຕີ ຫງວຽນທ້ຽນເຍີນ ຊີ້ແຈ້ງວ່າ: ໃນໄລຍະຜ່ານມາ, ວຽກງານເບິ່ງແຍງດູແລນະໂຍບາຍໃຫ້ແກ່ຜູ້ມີຄຸນງາມຄວາມດີຕໍ່ການປະຕິວັດ ໄດ້ຮັບການປະຕິບັດເປັນຢ່າງດີ, ແຕ່ວ່າ ເພື່ອຕີລາຄາຢ່າງພາວະວິໄສໝາກຜົນແຫ່ງການປະຕິບັດນະໂຍບາຍຕໍ່ຜູ້ມີຄຸນງາມຄວາມດີຕໍ່ການປະຕິວັດ. ລັດຖະບານພວມຮັບເອົາຄຳເຫັນຈາກບັນດາກະຊວງ, ຂະແໜງການ, ອົງການຈັດຕັ້ງທີ່ກ່ຽວຂ້ອງປະກອບໃສ່ຮ່າງໂຄງການສົນທົບກວດການຄືນກາປະຕິບັດນະໂຍບາຍທີ່ມີຕໍ່ຜູ້ມີຄຸນງາມຄວາມດີຕໍ່ການປະຕິວັດໃນໄລຍະ 2 ປີ 2014 – 2015. ຜ່ານການກວດກາຈະແກ້ໄຂບັນດາສິ່ງບໍ່ເໝາະສົມໃນນະໂຍບາຍພວມປະກາດໃຊ້ໃຫ້ແທດເໝາະກັບຕົວຈິງ.
ເພື່ອປະຕິບັດບັນດານະໂຍບາຍທີ່ມີຕໍ່ຕໍ່ຜູ້ມີຄຸນງາມຄວາມດີຕໍ່ການປະຕິວັດໃນໄລຍະຈະມາເຖິງເປັນຢ່າງດີ. ທ່ານຮອງລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມ ຟ້າມມິງຮວນ ສະເໜີວ່າ.
“ສະເໜີໃຫ້ບັນດາກະຊວງແນະນຳຢ່າງລະອຽດກວ່າອີກ, ເພື່ອຮັບປະກັນລັກສະນະ ເປັນໄປໄດ້ຂອງນະໂຍບາຍ. ກະຊວງການເງິນຕ້ອງແນະນຳ, ຊີ້ນຳ, ຈັດຕັ້ງການປະຕິບັດຫຼຸດຜ່ອນພາສີອາກອນສຳລັບຜູ້ມີຄຸນງາມຄວາມດີຕໍ່ການປະຕິວັດ ແລະ ໜູນຊ່ວຍທາງດດ້ານອັດຖຸ, ແຫຼ່ງທຶນໃຫ້ແກ່ບັນດາຮາກຖານຜະລິດ, ດຳເນີນທຸລະກິດ; ກະຊວງກໍ່ສ້າງແນະນຳກ່ຽວກັບນະໂຍບາຍໜູນຊ່ວຍດ້ານເຮືອນຢູ່; ກະຊວງກະສິກຳ ແລະ ພັດທະນາຊົນນະບົດແນະນຳການປະຕິບັດລະບອບໃຫ້ບຸລິມະສິດແກ່ການຜະລິດດຳເນີນທຸລະກິດດ້ານກະສິກຳ, ປ່າໄມ້, ການປະມົງ...”