ຫວຽດນາມກັບເຢຍລະມັນນຳການພົວພັນສອງປະເທດພັດທະນາໃນທຸກຂົງເຂດ
ທ່ານນາຍົກລັດຖະມົນຕີ ຫງວຽນເຕິນຢູງ ຕ້ອນຮັບທ່ານ Boris Rhein
(ພາບ: nhandan.com.vn)
(vovworld) - ໃນພິທີຕ້ອນຮັບທ່ານ Boris Rhein, ລັດຖະມົນຕີວ່າການກະຊວງວິທະຍາສາດ ແລະ ສີລະປະ ລັດ Hessen, ໃນວັນທີ 6/11 ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນເຕິນຢູງ ຢັ້ງຢືນວ່າ: ຫວຽດນາມຖືເປັນສຳຄັນ ແລະ ຈະສືບຕໍ່ມານະພະຍາຍາມຈົນສຸດຄວາມສາມາດຂອງຕົນພ້ອມກັບເຢຍລະມັນ ສືບຕໍ່ນຳການພົວພັນຮ່ວມມືລະຫວ່າງສອງປະເທດ ນັບມື້ນັບພັດທະນາ ແລະ ມີປະສິດທິຜົນ, ເປັນຕົ້ນແມ່ນການຊຸກຍູ້ຮ່ວມມືໃນຂົງເຂດການເມືອງ, ການທູດ, ເສດຖະກິດ, ການຄ້າ, ການລົງທຶນ, ການສຶກສາ, ວິທະຍາສາດ-ເຕັກນິກ……ທ່ານນາຍົກລັດຖະມົນຕີ ຫງວຽນເຕິນຢູງ ຕີລາຄາສູງ ເລື່ອງເຢຍລະມັນໜູນຊ່ວຍຫວຽດນາມກໍ່ສ້າງມະຫາວິທະຍາໄລ ຫວຽດນາມ-ເຢຍລະມັນ, ແລະ ນຳເຂົ້າໃຊ້ງານນັ້ັ້ນ ທ່ານຖືວ່າ: ໂຄງການນີ້ແມ່ນໂຄງການແບບຢ່າງໃນການພົວພັນຮ່ວມມືລະຫວ່າງສອງປະເທດ. ທ່ານ Boris Rhein ຢືນຢັນວ່າ: ລັດ Hessen ຈະສືບຕໍ່ມານະພະຍາຍາມສົມທົບກັບບັນດາກະຊວງ, ຂະແໜງການສອງປະເທດ ໃນການຜັນຂະຫຍາຍບັນດາຂໍ້ຕົກລົງ, ໂຄງການຮ່ວມມືລະຫວ່າງສອງປະເທດໃຫ້ມີປະສິດທິຜົນ, ໃນນັ້ນ ມີເລື່ອງສືບຕໍ່ໜູນຊ່ວຍກໍ່ສ້າງມະຫາວິທະຍາໄລ ຫວຽດນາມ-ເຢຍລະມັນໃຫ້ນັບມື້ນັບພັດທະນາ, ມີການເຄື່ອນໄຫວທີ່ມີປະສິດທິຜົນ ແລະ ແທດຈິງ ແລະ ແມ່ນໂຮງຮຽນມະຫາວິທະຍາໄລທີ່ດີເລີດຄືດັ່ງຄວາມປາຖະໜາຂອງສອງຝ່າຍ.