(vovworld) - ໃນຂອບເຂດບັນດາການເຄື່ອນໄຫວສະເຫຼີມສະຫຼອງ 20 ປີແຫ່ງການພົວພັນຄູ່ຮ່ວມມື ແລະ 10 ປີແຫ່ງການຍົກລະດັບການພົວພັນຄູ່ຮ່ວມມືຂຶ້ນສູ່ລະດັບສູງລະຫວ່າງ ອາຊຽນ ແລະ ອີນເດຍ, ງານຕະຫຼາດນັດ ອາຊຽນ - ອີນເດຍ ຄັ້ງທີ 2 (AIBF - 2012) ຈະຈັດຂຶ້ນຢູ່ New Delhi ແຕ່ວັນທີ 18 – 20/12. ຕາມທີ່ປຶກສາດ້ານການຄ້າສະຖານທູດຫວຽດນາມ ປະຈຳອີນເດຍ ທ່ານ ຫງວຽນຮ່າເຊີນ ແລ້ວ, ງານຕະຫຼາດນັດມີຂອບຂະໜາດ 350 ຮ້ານວາງສະແດງ, ຄາດວ່າ ຈະດຶງດູດການເຂົ້າຮ່ວມຂອງບັນດາວິສາຫະກິດມາຈາກບັນດາປະເທດອາຊຽນ ແລະ ອີນເດຍ ເປັນຈຳນວນຫຼວງຫຼາຍ. ເຂດຮ້ານວາງສະແດງຂອງຫວຽດນາມ ມີຂອບຂະໜາດໃຫຍ່ກວ່າໝູ່ຢູ່ອາຊຽນ, ດ້ວຍເນື້ອທີ່ເກືອບ 330 ຕາລາງແມດ, ເພື່ອວາງສະແດງບັນດາຜະລິດຕະຜັນເຄື່ອງຕຳແຜ່ນຕັດຫຍິບ, ທາດເຄມີ, ອາຫານ… ຂອງ 25 ວິສາຫະກິດ, ອົງການຕາງໜ້າບັນດາກຸ່ມບໍລິສັດ, ບໍລິສັດໃຫຍ່, ສະມາຄົມທີ່ມາຈາກຫວຽດນາມ. ເຂົ້າຮ່ວມງານຕະຫຼາດນັດ, ວິສາຫະກິດຫວຽດນາມ ຍາກເພີ່ມທະວີການສົ່ງອອກບັນດາຜະລິດຕະພັນກະເສດ, ອາຫານ, ເຄື່ອງໃຊ້ໄມ້ສອຍ ແລະ ບັນດາຜະລິດຕະພັນທີ່ມີທ່າແຮງອື່ນໆຂອງຫວຽດນາມ ທີ່ສົ່ງຂາຍໃຫ້ຕະຫຼາດອີນເດຍ; ໂຄສະນາຄວາມສາມາດບົມຊ້ອນ, ທ່າແຮງຂອງວິສາຫະກິດໃນບັນດາຂະແໜງເສດຖະກິດຂອງຫວຽດນາມ; ໂຄສະນາພາບພົດ ແລະ ຮູບພາບຂອງວິສາຫະກິດຫວຽດນາມ.