ທ່ານນາງນາຍົກລັດຖະມົນຕີ ອັງກິດ Theresa May
(ພາບ: EPA/TTXVN)
(vovworld) - ກ່າວຄວາມເຫັນພາຍຫຼັງການເຈລະຈາກັບທ່ານນາຍົກລັດຖະມົນຕີອີຕາລີ Matteo Renzi, ຢູ່ Rome, ໃນວັນທີ 27/7, ທ່ານນາງນາຍົກລັດຖະມົນຕີ ອັງກິດ Theresa Mayໃຫ້ຮູ້ວ່າ, ປະເທດ ອັງກິດຄວນບັນລຸຂໍ້ຕົກລົງດ້ານການຄ້າດີທີ່ສຸດກັບສະຫະພາບເອີລົບ (ອີຢູ) ໃນການເຈລະຈາຖອນອອກຈາກກຸ່ມຄັ້ງຕ່າງໆ. ເຖິງຢ່າງໃດກໍ່ຕາມ, ການນຳ ອັງກິດກໍ່ກ່າວເຕືອນຄວາມສາມາດຢຸດຕິເລື່ອງໄປມາຢ່າງເສລີຈາກບັນດາປະເທດ ອີຢູເຖິງ ອັງກິດ. ທ່ານນາງນາຍົກລັດຖະມົນຕີ ອັງກິດ Theresa May ຖະແຫຼງວ່າ, ປະເທດ ອັງກິດພວມຢູ່ໃນໄລຍະຖອນອອກຈາກອີຢູ, ແຕ່ຍັງຄົງເພີ່ມທະວີການພົວພັນກັບບັນດາປະເທດ “ເພື່ອນມິດ“ ໃນພັນທະມິດນີ້ ແລະ ໃຫ້ຄຳໝັ້ນສັນຍາວ່າ, ອັງກິດຈະສືບຕໍ່ມີທັດສະນະຢ່າງແຮງສຳລັບຄວາມເສລີດ້ານການຄ້າກັບສາກົນ.
ທ່ານນາຍົກລັດຖະມົນຕີອີຕາລີ Matteo Renzi ກໍ່ຢືນຢັນວ່າ “Brexit ແມ່ນ Brexit“ ບໍ່ອາດພິຈາລະນາບັນຫານີ້ຄືນໃໝ່ໄດ້. ທ່ານເນັ້ນໜັກວ່າຕ້ອງມີວິໄສທັດ ແລະ ເວລາຢ່າງລະອຽດໃຫ້ແກ່ວິວັດທະນາການປະເທດ ອັງກິດຖອນອອກຈາກ ອີຢູ.