ຮອງນາຍົກລັດຖະມົນຕີຮ່ວາງຈູງຫາຍຊີ້ນຳ ປ່ຽນໃໝ່ການດຳເນີນທຸລະກິດຜະລິດຕະພັນກະເສດ
(ພາບປະກອບ)
(vovworld) - ວັນທີ 3/4, ຢູ່ສຳນັກງານລັດຖະບານ, ພາຍຫຼັງຮັບຟັງກະຊວງອຸດສາຫະກຳການຄ້າລາຍງານແຜນຮ່າງປ່ຽນໃໝ່ແບບວິທີດຳເນີນທຸລະກິດຜະລິດຕະພັນກະເສດ, ເພື່ອແນໃສ່ພັດທະນາຕາມທິດມີປະສິດທິຜົນ, ໝັ້ນຄົງ, ທ່ານຮອງນາຍົກລັດຖະມົນຕີ ຮ່ວາງຈູງຫາຍ ໃຫ້ຂໍ້ສັງເກດວ່າ, ນີ້ແມ່ນແຜນຮ່າງຍາກແຕ່ມີຄຸນຄ່າທີ່ສຸດ, ດັ່ງນັ້ນຮຽກຮ້ອງຕ້ອງມີການສຸມຈີນຕະນາການຂອງບັນດາກະຊວງທີ່ກ່ຽວຂ້ອງ. ທ່ານຊີ້ນຳວ່າ, ກ່ອນອື່ນໝົດເພື່ອປັບປຸງແຜນຮ່າງນີ້, ຕ້ອງສຸມໃສ່ 4 ໝວດຜະລິດຕະພັນກະເສດແມ່ນເຂົ້າສານ, ຜັກ, ໝາກໄມ້, ການລ້ຽງສັດ ແລະ ສິນໃນນຳ້. ນີ້ແມ່ນບັນດາໝວດຜະລິດຕະພັນກະເສດທີ່ເຄີຍຖືກຄວາມສ່ຽງຍ້ອນການຜັນແປຂອງຕະຫຼາດ. ຜະລິດຕະພັນກະເສດເຫຼົ່ານີ້ມີຄູນນະພາບບໍ່ທັນສູງເທື່ອ. ປະຈຸບັນບັນດາວິສາຫະກິດພວມມີທ່າອ່ຽງລົງທຶນເຂົ້າຂົງເຂດກະສີກຳຫຼາຍກວ່າ. ນີ້ແມ່ນໂອກາດເພື່ອປັບປຸງການສ້າງໂຄງປະກອບກະສີກຳຄືນໃໝ່, ເພື່ອພັດທະນາພື້ນຖານກະສີກຳທີ່ທັນສະໄໝ, ດ້ວຍຜະລິດຕະພັນກະເສດທີ່ມີຄຸນນະພາບສູງ, ມີຊື່ສຽງໃນຕະຫຼາດ.