ເກີນເທີ ໜູນຊ່ວຍ ກໍ່ສ້າງເຮືອນຢູ່ ແລະ ທຶນຮັບໃຊ້ຜະລິດໃຫ້ຜູ້ປະສົບເຄາະຮ້າຍຈາກທາດຜິດສີສົ້ມດີໂອຊີນ
(ພາບ: ພາບປະກອບ)
(vovworld) – ການເບິ່ງແຍງດູແລຜູ້ປະສົບເຄາະຮ້າຍຈາກທາດຜິດສີສົ້ມດີໂອຊີນ ຍາມໃດກໍ່ແມ່ນວຽກງານທີ່ນະຄອນເກີນເທີ ເອົາໃຈໃສ່ ແລະ ປະຕິບັດເປັນປະຈຳ, ເພື່ອແນໃສ່ຊ່ວຍເຫຼືອທາງດ້ານຈິດໃຈ ກໍ່ຄືດ້ານວັດຖຸໃຫ້ບັນດາຜູ້ປະສົບເຄາະຮ້າຍ, ຊ່ວຍໃຫ້ເຂົາເຈົ້າຍົກສູງຊີວິດການເປັນຢູ່. ທ່ານ ເລວັນເຕີມ, ຮອງປະທານຄະນະກຳມະການປະຊາຊົນນະຄອນເກີນເທີ ຢືນຢັນຄືແນວນັ້ນ ທີ່ກອງປະຊຸມກັບຜູ້ປະສົບເຄາະຮ້າຍຈາກທາດຜິດສີສົ້ມດີໂອຊີນ ນະຄອນເກີນເທີ ໃນວັນທີ 30/12. ເກີນເທີ ມີຜູ້ປະສົບເຄາະຮ້າຍຈາກທາດຜິດສີສົ້ມດີໂອຊີນກວ່າ 4.300 ຄົນ. ໃນໄລຍະຈະມາເຖິງ, ທ້ອງຖິ່ນຈະສຸມໃສ່ໜູນຊ່ວຍການກໍ່ສ້າງເຮືອນຢູ່ ແລະ ທຶນເພື່ອຜະລິດໃຫ້ບັນດາຜູ້ປະສົບເຄາະຮ້າຍ. ກອງປະຊຸມກໍ່ເຊີດຊູວຽກງານສ້າງວຽກເຮັດງານທຳໃຫ້ບັນດາສະມາຊິກທີ່ຍັງສາມາດອອກແຮງງານ, ກໍ່ຄືຍາດຕິພີນ້ອງບັນດາຜູ້ປະສົບເຄາະຮ້າຍຈາກທາດຜິດສີສົ້ມດີໂອຊີນ.