ການໂອ້ລົມສົນທະນາ
(ພາບ: ອິນເຕິແນັດ)
(vovworld) – “ດ້ວຍບົດບາດສື່ສານ ເພື່ອແນໃສ່ເພີ່ມທະວີການເຂົ້າຮ່ວມຂອງແມ່ຍິງໃນສະພາແຫ່ງຊາດ ແລະ ສະພາປະຊາຊົນທຸກຂັ້ນ” ແມ່ນຫົວຂໍ້ຂອງການໂອ້ລົມສົນທະນາໂດຍກຳມາທິການແຫ່ງຊາດ ເພື່ອຄວາມກ້າວໜ້າຂອງແມ່ຍິງ ສົມທົບກັບກະຊວງແຮງງານ, ທະຫານເສຍອົງຄະ ແລະ ສັງຄົມ, ກະຊວງການຕ່າງປະເທດຈັດຕັ້ງໃນຕອນເຊົ້າວັນທີ 25/02 ຢູ່ຮ່າໂນ້ຍ. ທ່ານນາງ ເຈືອງທິມາຍ ຫົວໜ້າຄະນະຂົນຂວາຍປະຊາຊົນສູນກາງ, ປະທານກຳມາທິການບັນດາບັນຫາສັງຄົມຂອງສະພາແຫ່ງຊາດ ຢັ້ງຢືນວ່າ: ຫວຽດນາມ ຄວນມີບັນດາບາດກ້າວທີ່ໝັ້ນຄົງກ່ວາ ແລະ ກໍ່ຄວນມີບັນດາມາດຕະການບຸກທະລຸ ເພື່ອປະຕິບັດຈຸດໝາຍໃນອາຍຸການ 2016 – 2021. ທ່ານນາງ ເຈືອງທິມາຍ ໃຫ້ຮູ້ວ່າ:
“ບັນດາອົງການສື່ສານ ຄວນສຸມໃສ່ເຮັດບົດບາດ, ຮ່ວມກັບແມ່ຍິງ ແລະ ສະໜັບສະໜູນການເຂົ້າເຈົ້າເຂົ້າຮ່ວມວິວັດການເລືອກຕັ້ງສະມາຊິກສະພາແຫ່ງຊາດຊຸດທີ 14 ແລະ ສະພາປະຊາຊົນທຸກຂັ້ນອາຍຸການ 2016 – 2021ຈະມາເຖິງເປັນຢ່າງດີ ດ້ວຍບັນດາຈຸດສຸມໂຄສະນາຢ່າງລະອຽດ, ແທດຈິງ. ນັ້ນແມ່ນບັນດາແຜນນະໂຍບາຍ, ນະໂຍບາຍຂອງພັກ, ລັດກ່ຽວກັບການເພີ່ມທະວີການເຂົ້າຮ່ວມຂອງແມ່ຍິງໃນການຊີ້ນຳນຳພາ, ຄຸ້ມຄອງ; ບັນດາຂໍ້ກຳນົດຂອງກົດໝາຍວ່າດ້ວຍການເລືອກຕັ້ງສະພາແຫ່ງຊາດ ແລະ ສະພາປະຊາຊົນທຸກຂັ້ນ ໃນນັ້ນ ມີຂໍ້ກຳນົດວ່າ ໃນບັນຊີລາຍຊື່ຜູ້ອອກສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ, ສະພາປະຊາຊົນຢ່າງເປັນທາງການ ມີຈຳນວນແມ່ຍິງເຂົ້າຮ່ວມຢ່າງໜ້ວຍສຸດ 35%, ຕັ້ງໜ້າໂຄສະນາເພື່ອແນໃສ່ຫລຸດຜ່ອນການຈຳແນກປະພຶດລະຫວ່າງຍິງ - ຊາຍ”.