(vovworld) - ວັນທີ 23/2, ກອງປະຊຸມບັນດາເຈົ້າໜ້າທີ່ປ້ອງກັນປະເທດຂັ້ນສູງອາຊຽນ ເປີດກວ້າງ ແລະ ບັນດາຄູ່ເຈລະຈາ ໄດ້ໄຂຂຶ້ນຢູ່ ກຳປູເຈຍ. ກ່າວຄວາມເຫັນໄຂກອງປະຊຸມ, ຫົວໜ້າກົມພົວພັນຕ່າງປະເທດ ແລະນະໂຍບາຍກະຊວງປ້ອງກັນປະເທດກຳປູເຈຍ, ພົນຕີ Nem Sowath, ຢືນຢັນວ່າ, ກອງປະຊຸມ ເພື່ອແນໃສ່ເພີ່ມທະວີ ແລະ ເປີດກວ້າງການຮ່ວມມືດ້ານປ້ອງກັນຊາດ ປ້ອງກັນຄວາມສະຫງົບ. ທ່ານຍັງເນັ້ນໜັກວ່າ ການຮ່ວມມືລະຫວ່າງ ອາຊຽນ ແລະບັນດາຄູ່ເຈລະຈາມີບົດບາດສຳຄັນໃນການຮັກສາສັນຕິພາບ ແລະ ຄວາມສະຫງົບປອດໄພໃນທົ່ວພາກພື້ນ. ທີ່ກອງປະຊຸມສຳມະນາ, ບັນດາຝ່າຍໄດ້ປຶກສາຫາລືກ່ຽວກັບກຳນົດເວລາຈັດຕັ້ງກອງປະຊຸມບັນດາເຈົ້າໜ້າທີ່ປ້ອງກັນປະເທດອາຊຽນເປີດກວ້າງ (ADMM+) ແມ່ນ 2 ປີ ເທື່ອໜຶ່ງ, ແທນໃຫ້ 3 ປີ ເທື່ອໜຶ່ງຄືກ່ອນນີ້. ພາກສ່ວນເຂົ້າຮ່ວມກອງປະຊຸມມີບັນດາເຈົ້າໜ້າທີ່ປ້ອງກັນປະເທດຂັ້ນສູງຂອງ 10 ປະເທດອາຊຽນ ພ້ອມກັບຄູ່ເຈລະຈາຄື: ອາເມລິກາ, ລັດເຊຍ, ຈີນ, ຍີ່ປຸ່ນອິນເດຍ, ສເກົາຫຼີ, ອົດສະຕາລີ ແລະນິວຊີແລນ.