ໜັງສືພິມກຳປູເຈຍຍ້ອງຍໍ ສັນລະເສີນທະຫານ ອາສາສະໝັກ ຫວຽດນາມ
ປຊຊ ກຳປູເຈຍ ສົ່ງທະຫານອາສາສະໝັກຫວຽດນາມກັບເມືອປະເທດ
(ພາບ: phuthotv.vn/)
(vovworld)- ຢູ່ພະນົມເປັນ, ເນື່ອງໃນໂອກາດສະເຫຼີມສະຫຼອງ 35 ປີແຫ່ງວັນຕີເອົາຊະນະລະບອບດັບສູນເຊື້ອຊາດຢູ່ກຳປູເຈຍ (7/1/1979-7/1/2014), ໜັງສືພິມ Pracheachon ແປ່ວ່າ ປະຊາຊົນ-ສຽງຂອງພັກ ປຊຊ ກຳປູເຈຍ (CPP) ສະບັບພິເສດອອກວັນທີ 6/1 ໄດ້ລົງພິມບົດນຳດ້ວຍຫົວຂໍ້ວ່າ: “ວັນທີ 7/1/1979- ສັດຈະທຳປະຫວັດສາດທີ່ຄວນຈົດຈຳໄວ້“. ບົດໜັງສືພິມຢືນຢັນວ່າ: ວັນທີ 7/1 ຂອງ 35 ປີກ່ອນ, ໂດຍໄດ້ຮັບການຊ່ວຍເຫຼືອຈາກທະຫານອາສາສະໝັກຫວຽດນາມ, ກອງທັບແນວໂຮມສາມັກຄີກູ້ຊາດກຳປູເຈຍ ໄດ້ໂຄ່ນລົ້ມລະບອບດັບສູນເຊື້ອຊາດ ປົນປົດ, ກູ້ເອົາກຳປູເຈຍ ຫລຸດພົ້ນອອກຈາກໄພດັບສູນເຊື້ອຊາດ. ບົດໜັງສືພິມເນັ້ນໜັກວ່າ ກຳປູເຈຍ ມີຄວາມເອກອ້າງທະນົງໃຈຕໍ່ບັນດາຜົນງານຂອງຕົນ, ໂດຍພາຍໃຕ້ການຊີ້ນຳຂອງທ່ານນາຍົກລັດຖະມົນຕີ Samdec Hun Sen, ລັດຖະບານກຳປູເຈຍ ຍາດໄດ້ໄຊຊະນະອັນໃຫ່ຍຫຼວງ. ບົດໜັງສືພິມຢືນຢັນວ່າ: ໄຊຊະນະຂອງ CPP ໃນການເລືອກຕັ້ງສະພາແຫ່ງຊາດຊຸດທີ 5 ເມື່ອວັນທີ 28/7/2013 ໄດ້ອະນຸຍາດໃຫ້ພັກການເມືອງນີ້ສືບຕໍ່ນຳພາປະເທດຊາດໃນ 5 ປີຕໍ່ໄປ; ພ້ອມກັນນັ້ນກໍ່ສະແດງໃຫ້ເຫັນວ່າ: ປຊຊ ເປັນຈຳນວນສ່ວນຫຼາຍຍັງຄົງມີຄວາມເຊື່ອໝັ້ນຕໍ່ການນຳພາຂອງ CPP ໃນຕະຫຼອດ 35 ປີຜ່ານມາ, ນັບແຕ່ວັນທີ 7/1/1979 ມາຮອດປະຈຸບັນ.
ບົດຫນັງສືພິມສະຫລຸບວ່າ: ປຊຊ ກຳປູເຈຍ ທຸກຊັ້ນວັນນະ, ນັບແຕ່ລຸ້ນກ່ອນມາຮອດປະຈຸບັນຈະຈົດຈຳສັດຈະທຳປະຫວັດສາດຂອງວັນທີ 7/1/1979 ຕະຫຼອດໄປ./.