ພາບປະກອບ:vtv.vn
|
(vovword)- ກະຊວງການເງິນຫວຽດນາມ ສະເຫນີໃຫ້ບັນດາກະຊວງ, ຂະແຫນງການ ແລະ ທ້ອງຖິ່ນ ຈົ່ງເອົາໃຈໃສ່ປະຕິບັດ 7 ມາດຕະການຮັກສາລາຄາສິນຄ້າໃນເດືອນ 6/2012 ໃຫ້ເປັນປົກກະຕິ. ຕາມນັ້ນແລ້ວ, ບັນດາກະຊວງ, ຂະແຫນງການ ແລະ ທ້ອງຖິ່ນ ຄວນສຸມໃສ່ຕິດຕາມກວດກາຢ່າງແຫນ້ນແຟ້ນການຜັນແປຂອງຕະຫລາດພາຍໃນ ແລະ ຕ່າງປະເທດ, ນຳໃຊ້ບັນດາມາດຕະການດັດສົມການສະຫນອງ - ຄວາມຕ້ອງການ, ການຮັກສາລາຄາສິນຄ້າໃນທ້ອງຕະຫລາດໃຫ້ເປັນປົກກະຕິ, ເປັນຕົ້ນແມ່ນບັນດາປະເພດສິນຄ້າທີ່ຂຶ້ນກັບເປົ້າໝາຍຕ້ອງຮັກສາລາຄາໃຫ້ເປັນປົກກະຕິ, ສິນຄ້າທີ່ຈຳເປັນໃຫ້ແກ່ການຜະລິດ ແລະ ຊີວິດການເປັນຢູ່, ບໍ່ປະໃຫ້ເກີດສະພາບຂາດແຄນສິນຄ້າ. ພ້ອມກັນນັ້ນ ຕ້ອງມີມາດຕະການຮັບປະກັນການສະຫນອງສິນຄ້າທີ່ຈຳເປັນໃຫ້ແກ່ຕາແສງຫ່າງໄກສອກຫລີກ, ເຂດພູດອຍ, ເຂດຊາຍແດນ ແລະ ໝູ່ເກາະ ເປັນຕົ້ນແມ່ນໃນຈຸດເວລາທີ່ປະສົບກັບຄວາມຫຍຸ້ງຍາກ, ເກີດໄພທຳມະຊາດ, ໂລກລະບາດ. ຄຽງຄູ່ກັນນັ້ນ ບັນດາກະຊວງ, ຂະແຫນງການ ແລະ ທ້ອງຖິ່ນຕ້ອງຕິດຕາມກວດກາຢ່າງແຫນ້ນແຟ້ນສຳລັບບັນດາວິສາຫະກິດທີ່ໄດ້ນຳໃຊ້ນະໂຍບາຍຕໍ່ກຳນົດເວລາເສຍອາກອນ, ຫລຸດຜ່ອນອາກອນມູນຄ່າເພີ່ມ, ອາກອນລາຍຮັບວິສາຫະກິດ, ຄ່າເຊົ່າທີ່ດິນ.