AU ກ່າວປະນາມບັນດາການເຄື່ອນໄຫວແຫ່ຂະບວນປະທ້ວງທີ່ໃຊ້ຄວາມຮຸນແຮງຢູ່ ອາຟະລິກາ ໃຕ້
(VOVWORLD) - ວັນທີ 14 ກໍລະກົດ, ທ່ານ Moussa Faki Mahamat ປະທານຄະນະກຳມະການສະຫະພາບອາຟະລິກາ (AU) ໄດ້ກ່າວປະນາມການແຫ່ຂະບວນປະທ້ວງທີ່ໃຊ້ຄວາມຮຸນແຮງພວມເພີ່ມຂຶ້ນ ແລະ ເຮັດໃຫ້ສາມັນຊົນຫຼາຍຄົນເສຍຊີວິດຢູ່ ອາຟະລິກາໃຕ້.
 ການໃຊ້ຄວາມຮຸນແຮງຢູ່ ອາຟະລິກາໃຕ້ (ພາບ: AFP/TTXVN) |
ໃນຖະແຫຼງການໜຶ່ງທີ່ໄດ້ຍົກອອກໃນວັນດຽວກັນ, ທ່ານ Mahamat ໄດ້ຮຽກຮ້ອງໃຫ້ຟື້ນຟູຄວາມເປັນລະບຽບຮຽບຮ້ອຍ, ສັນຕິພາບ ແລະ ສະຖຽນລະພາບ ຢູ່ປະເທດນີ້ໂດຍດ່ວນ ດ້ວຍການເຄົາລົບທຸກສິດອຳນາດນິຕິບັນຍັດ. ທ່ານກໍໄດ້ແບ່ງເບົາຄວາມເສົ້າສະຫຼົດໃຈມາຍັງບັນດາຄອບຄົວທີ່ມີຜູ້ປະສົບເຄາະຮ້າຍ ແລະ ພາວະນາຂໍໃຫ້ຜູ້ຖືກຮັບບາດເຈັບດີຂຶ້ນໂດຍໄວ. ທ່ານ Mahamat ກ່າວເຕືອນວ່າ ຖ້າຫາກວ່າສະພາບການດັ່ງກ່າວບໍ່ຢຸດຕິໃນໄວໆນີ້ ອາດຈະສົ່ງຜົນກະທົບຢ່າງຮຸນແຮງ ບໍ່ວ່າສະເພາະຢູ່ພາຍໃນປະເທດນີ້ເທົ່ານັ້ນ ຫາກຍັງນັບທັງພາກພື້ນອີກດ້ວຍ.