EU ເອົາໃຈໃສ່ເຖິງ FTA ສອງຝ່າຍກັບຫວຽດນາມ
( vovworld ) - ວັນທີ 1/3, ເມື່ອຕອບສຳພາດກ່ຽວຂ້ອງເຖິງສັນຍາການຄ້າເສລີ ( FTA ) ສອງຝ່າຍລະຫວ່າງຫວຽດນາມ ແລະ ສະຫະພາບເອີລົບ ( EU ), ໂຄສົກຜູ້ຮັບຜິດຊອບດ້ານການຄ້າຂອງຄະນະກຳມະການເອີລົບ, ທ່ານ John Clancy ໄດ້ຖະແຫຼງວ່າ EU ເອົາໃຈໃສ່ພ້ອມກັບຫວຽດນາມ ເຂົ້າຮ່ວມບັນດາການເຈລະຈາ FTA ດ້ວຍເງື່ອນໄຂທີ່ສອງຝ່າຍມີຄວາມຫວັງກ່ຽວກັບ FTA ທີ່ເລິກເຊິ່ງ ແລະ ຮອບດ້ານກວ່າ. ທ່ານກໍໃຫ້ຮູ້ວ່າ EU ພວມລໍຖ້າວິວັດການກະກຽມສິ້ນສຸດລົງເພື່ອສາມາດເລີ່ມຕົ້ນການເຈລະຈາຢ່າງເປັນທາງການ. ຕາມທ່ານ John Clancy ແລ້ວ, ເພື່ອຮັບປະກັນໃຫ້ EU ແລະ ຄູ່ຮ່ວມມືເຈລະຈາໃນອະນາຄົດມີບັນດາຄວາມຫວັງເຊັ່ນດຽວກັນ ດັ່ງນັ້ນ, ວຽກງານກະກຽມຕ້ອງໄດ້ຮັບການດຳເນີນ. ນັ້ນແມ່ນເອກະສານທີ່ມີຄວາມສາມາດເປັນໄປໄດ້ເພື່ອແນໃສ່ວາງຂໍ້ມູນຕົວເລກພື້ນຖານ ແລະ ບັນດາເປົ້າໝາຍໃຫ້ແກ່ແຕ່ລະຂົງເຂດເຊິ່ງນອນໃນ FTA ຈະໄດ້ຮັບການເຈລະຈາ. EU ແລະ ຫວຽດນາມ ພວມສົມທົບກັນສ້າງເອກະສານທີ່ມີຄວາມສາມາດເປັນໄປໄດ້ດັ່ງກ່າວ. ເມື່ອເອກະສານສະບັບນີ້ໄດ້ຮັບການກະກຽມ ແລະ ໄດ້ຮັບການເຫັນດີເປັນເອກະພາບລະຫວ່າງ EU ແລະ ຫວຽດນາມ ນັ້ນ, ບັນດາການເຈລະຈາ FTA ຈະໄດ້ຮັບການເລີ່ມຕົ້ນຢ່າງເປັນທາງການ.