(VOVWORLD) - ບໍລິສັດໃຫຍ່ກ່ຽວກັບເຕັກໂນໂລຊີ, Dell EMC ຈະໜູນຊ່ວຍ ແລະ ໃຫ້ຄຳປຶກສາແກ່ VOV ໃນເລື່ອງຊຸກຍູ້ໂຄສະນາໃຫ້ປະຊາຊົນເຂົ້າໃຈແຈ້ງ
ທ່ານນາງ Patricica Florissi ແລະ ທ່ານ ຫງວຽນເທ໊ກີ໋ |
ຕອນເຊົ້າວັນທີ 12 ກໍລະກົດ, ຢູ່ຮ່າໂນ້ຍ, ທ່ານ ຫງວຽນເທ໊ກີ໋, ຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ (VOV) ໄດ້ຕ້ອນຮັບທ່ານນາງ Patricica Florissi, ຮອງປະທານ ທັງເປັນຜູ້ອຳນວຍການເຕັກໂນໂລຊີກຸ່ມບໍລິສັດ Dell EMC, ອາເມລິກາ ພວມຢູ່ຢ້ຽມຢາມ ແລະ ເຮັດວຽກຢູ່ ຫວຽດນາມ. ທ່ານ ຫງວຽນເທ໊ກີ໋, ຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ ສະແດງຄວາມເຊື່ອໝັ້ນວ່າ: ບໍລິສັດໃຫຍ່ກ່ຽວກັບເຕັກໂນໂລຊີ, Dell EMC ຈະໜູນຊ່ວຍ ແລະ ໃຫ້ຄຳປຶກສາແກ່ VOV ໃນເລື່ອງຊຸກຍູ້ໂຄສະນາໃຫ້ປະຊາຊົນເຂົ້າໃຈແຈ້ງ ແລະ ມີການສຳຜັດໄວກັບເຕັກໂນໂລຊີ 4.0 ຢູ່ ຫວຽດນາມ:
“ພວກຂ້າພະເຈົ້ານິຍົມນັບຖືວິວັດການພັດທະນາຂອງກຸ່ມບໍລິສັດຂອງພວກເພື່ອນທີ່ສຸດ, ຖືນັ້ນແມ່ນແບບຢ່າງ, ບົດຮຽນເພື່ອໃຫ້ບັນດາກົມກອງຂອງ ຫວຽດນາມ ສາມາດບືນຕົວເຂົ້າຮ່ວມເຕັກໂນໂລຊີ 4.0. ແລະ ພວກຂ້າພະເຈົ້າເຊື່ອໝັ້ນວ່າ ການຢ້ຽມຢາມ ຫວຽດນາມ ຂອງພວກເພື່ອນໃນຄັ້ງນີ້, ພິເສດແມ່ນທີ່ເວທີປາໄສ, ງານວາງສະແດງເຕັກໂນໂລຊີ 4.0, ພວກເພື່ອນຈະປະກອບສ່ວນພ້ອມກັບບັນດາກຸ່ມບໍລິສັດອື່ນ, ພ້ອມກັບລັດຖະບານ ຫວຽດນາມ, ບັນດາ ກະຊວງ, ຄະນະ, ຂະແໜງການ, ທ້ອງຖິ່ນຕ່າງໆຂອງ ຫວຽດນາມ ຈະມີການສົ່ງເສີມ, ຊຸກຍູ້ ເພື່ອໃຫ້ ຫວຽດນາມ ກ້າວເດີນໄປໄວກ່ວາ, ໝັ້ນຄົງກ່ວາໃນເຕັກໂນໂລຊີ 4.0”