ກອງປະຊຸມວິທະຍາສາດແລະເຕັກໂນໂລຊີດ້ານນິວເຄຼຍທົ່ວປະເທດຄັ້ງທີ 11
(ພາບ: qdnd.vn)
(vovworld) - ນັກຄົ້ນຄວ້າວິທະຍາສາດ ແລະ ໜູນໃຊ້ກ່ຽວກັບເຕັກໂນໂລຊີດ້ານນິວເຄຼຍແຖວໜ້າ ຫວຽດນາມ ແລະ ບາງປະເທດທີ່ມີພື້ນຖານວິທະຍາສາດເຕັກໂນໂລຊີດ້ານນິວເຄຼຍກ້າວໜ້າ ກ່ວາ 350 ທ່ານ ໄດ້ເຂົ້າຮ່ວມ “ກອງປະຊຸມວິທະຍາສາດ ແລະ ເຕັກໂນໂລຊີດ້ານນິວເຄຼຍທົ່ວປະເທດຄັ້ງທີ 11” ດຳເນີນໃນ 3 ວັນ (ລະຫວ່າງວັນທີ 5 – 7/8) ຢູ່ ດ່າໜັງ. ກອງປະຊຸມຄັ້ງທີ 11 ດັ່ງກ່າວ ຈະປະກອບສ່ວນກຳນົດທິດກໍ່ສ້າງ, ຜັນຂະຫຍາຍໂຄງການ, ແຜນການຄົ້ນຄວ້າວິທະຍາສາດ ແລະ ພັດທະນາເຕັກໂນໂລຊີດ້ານນິວເຄຼຍໃນໄລຍະຈະມາເຖິງ, ພ້ອມທັງເພີ່ມທະວີເປີດກ້ວາງການພົວພັນຮ່ວມມືເຂົ້າກັບສາກົນ. ທ່ານລັດຖະມົນຕີຊ່ວຍວ່າການກະຊວງວິທະຍາສາດ ແລະ ເຕັກໂນໂລຊີ ເຈີ່ນວ໋ຽດແທງ ໃຫ້ຮູ້ວ່າ:
“ ໜ້າທີ່ປະຈຸບັນໄດ້ວາງອອກໃຫ້ຂະແໜງພະລັງງານປະລະມານູ ຫວຽດນາມ, ໃນນັ້ນມີໜ້າທີ່ພັດທະນາກຳລັງແຮງວິທະຍາສາດເຕັກໂນໂລຊີດ້ານນິວເຄຼຍແຫ່ງຊາດແມ່ນໃຫຍ່ຫລວງທີ່ສຸດ. ຖັນແຖວບັນດານັກຊ່ຽວຊານ, ນັກວິທະຍາສາດເຕັກໂນໂລຊີພວມເຄື່ອນໄຫວໃນທຸກຂົງເຂດ ບຳລຸງສ້າງ, ຄົ້ນຄວ້າ, ພັດທະນາ ແລະ ໜູນໃຊ້ພະລັງງານປະລະມານູ ມີບົດບາດສຳຄັນທີ່ສຸດ ແລະ ແມ່ນໜຶ່ງໃນບັນດາປັດໃຈມີລັກສະນະຕັດສິນຊີ້ຂາດ”