ກອງປະຊຸມສຳມະນາກ່ຽວກັບທ່ານ Vo Chi Cong
ພາບ:VGP
|
(vovworld) - ກອງປະຊຸມສຳມະນາວິທະຍາສາດ“ປະທານສະພາແຫ່ງລັດ Vo Chi Cong ກັບການປະຕິວັດ ຫວຽດນາມ ແລະ ບ້ານເກີດເມືອງນອນ ກວ໋າງນາມ - ດາຫນັງ” ດຳເນີນໄປໃນຕອນເຊົ້າວັນທີ 05/08 ຢູ່ ນະຄອນ ຕາມກີ່ ແຂວງ ກວ໋າງນາມ.ນີ້ແມ່ນຫນຶ່ງໃນບັນດາການເຄື່ອນໄຫວສະເຫລີມສະຫລອງ 100 ປີ ແຫ່ງວັນຄ້າຍວັນເກີດຂອງເພີ່ນ(7/8/1912 - 7/8/2012). ທີ່ກອງປະຊຸມສຳມະນາ, ມີບົດປະກອບຄຳເຫັນກວ່າ 60 ບົດໄດ້ສຸມໃສ່ຊີ້ແຈງບັນດາການປະກອບສ່ວນຂອງທ່ານ Vo Chi Cong ປະທານສະພາແຫ່ງລັດທີ່ມີຕໍ່ບ້ານເກີດເມືອງນອນ, ຕໍ່ປະເທດຊາດ; ບັນດາເລື່ອງລາວໃນຊີວິດປະຈຳວັນ, ແບບແຜນການດຳລົງຊີວິດ, ຄວາມເກັ່ງກ້າສາມາດ, ພູມປັນຍາ, ວິໄສທັດຍຸດທະສາດ ແລະ ບຸກຄະລິກກະພາບຂອງການນຳຜູ້ດີເດັ່ນ. ກ່າວຄຳເຫັນໄຂກອງປະຊຸມສຳມະນາ, ທ່ານ Dinh The Huynh ເລຂາສູນກາງພັກ, ຫົວຫນ້າຄະນະໂຄສະນາສຶກສາສູນກາງ ໄດ້ເນັ້ນຫນັກວ່າ:
“ຜົນສຳເລັດຂອງກອງປະຊຸມສຳມະນາໃນມື້ນີ້ ເປັນການປະກອບສ່ວນເພີ່ມກຳລັງຫນູນ, ຈິດໃຈ, ລະດົມທຸກຂັ້ນ, ຂະແຫນງການ, ທ້ອງຖິ່ນຕ່າງໆ, ພະນັກງານ, ສະມາຊິກພັກ ແລະ ປະຊາຊົນ, ນັກຮົບໃນທົ່ວປະເທດຫ້າວຫັນແຂ່ງຂັນອອກແຮງງານ, ມີຫົວຄິດປະດິດສ້າງໃນວຽກງານເພື່ອປະຕິບັດມະຕິກອງປະຊຸມໃຫຍ່ຄັ້ງທີ 11 ຂອງພັກ ແລະ ບັນດາມະຕິຂອງສູນກາງພັກ ຢ່າງມີໄຊ.”