ທ່ານພົນເອກ ເຈີ່ນດ້າຍກ້ວາງ ແລະ ທ່ານ ສົມແກ້ວ ສີລະວົງ
(ພາບ: baomoi.com)
(vovworld) - ຕອນເຊົ້າວັນທີ 19/8, ທ່ານພົນເອກ ເຈີ່ນດ້າຍກ້ວາງ ລັດຖະມົນຕີວ່າການກະຊວງຕຳຫລວດ ຫວຽດນາມ ໄດ້ໃຫ້ການຕ້ອນຮັບຄະນະຜູ້ແທນຂັ້ນສູງກະຊວງປ້ອງກັນຄວາມສະຫງົບ ລາວ ໂດຍທ່ານ ສົມແກ້ວ ສີລະວົງ ລັດຖະມົນຕີວ່າການກະຊວງປ້ອງກັນຄວາມສະຫງົບ ລາວ ນຳໜ້າ ພວມຢ້ຽມຢາມ ແລະ ເຮັດວຽກຢູ່ ຫວຽດນາມ. ທີ່ການຕ້ອນຮັບ, ທ່ານລັດຖະມົນຕີ ເຈີ່ນດ້າຍກ້ວາງ ເນັ້ນໜັກວ່າ: ໃນ 70 ປີຜ່ານມາ, ປະຊາຊົນ ຫວຽດນາມ ແລະ ປະຊາຊົນ ລາວ ເວົ້າລວມ, ກໍຄືກຳລັງຕຳຫລວດ ຫວຽດນາມ ແລະ ລາວ ເວົ້າສະເພາະ ຍາມໃດກໍຮຽງບ່າຮຽງໄຫຼ່ນຳກັນ, ສາມັກຄີສ້າງໃຫ້ມີບັນດາໝາກຜົນອັນໃຫຍ່ຫລວງ; ທ່ານກໍປາດຖະໜາຢາກໃຫ້ ກະຊວງຕຳຫລວດ ຫວຽດນາມ ແລະ ກະຊວງປ້ອງກັນຄວາມສະຫງົບ ລາວ ຈົ່ງສືບທອດມູນເຊື້ອອັນດີງາມ ແລະ ພັດທະນາການພົວພັນແບບພິເສດ ແລະ ການຮ່ວມມືຮອບດ້ານລະຫວ່າງກຳລັງຕຳຫລວດ 2 ປະເທດ.
ທ່ານລັດຖະມົນຕີວ່າການກະຊວງປ້ອງກັນຄວາມສະຫງົບ ລາວ ສົມແກ້ວ ສີລະວົງ ຢືນຢັນວ່າ: ໃນສະພາວະປະຈຸບັນ, ກະຊວງປ້ອງກັນຄວາມສະຫງົບ ລາວ ຈະສືບຕໍ່ເພີ່ມທະວີການຮ່ວມມືກັບກຳລັງຕຳຫລວດ ຫວຽດນາມ, ປ່ຽນໃໝ່ຢ່າງບໍ່ຢຸດຢັ້ງ, ນຳການຮ່ວມມືລະຫວ່າງ 2 ກະຊວງພັດທະນາຂຶ້ນສູ່ລະດັບສູງໃໝ່.